გიორგი შაქარაშვილის საქმეზე ბრალდებულმა 5 პირმა მათი საქმის ნაფიც მსაჯულთა სასამართლოსთვის გადაცემაზე უარი თქვა. მოსამართლემ უარი განაცხადა დაცვის მხარის შუამდგომლობაზე და ბრალდებულები პატიმრობაში დატოვა.

ვახტანგ ჩიქოვანის ადვოკატის, ლელა გოგოლაძის თქმით, მისი დაცვის ქვეშ მყოფმა ნაფიცი მსაჯულების სასმართლოზე უარი მხოლოდ იმიტომ თქვა, რომ საკუთარი სიმართლე ბოლო ინსტანციამდე დაიცვას და არა იმიტომ, რომ საქმესთან დაკავშირებით საზოგადოების აზრი უარყოფითია.

განზრახ მკვლელობის საქმის არსებითი განხილვა 8 ოქტომბრისთვის ჩაინიშნა.

19 წლის ფეხბურთელი, გიორგი შაქარაშვილი 19 ივნისს დაიკარგა. 4-დღიანი ძებნის შემდეგ, 22 ივნისს, გიორგი შაქარაშვილი ცხედარი მდინარე არაგვში იპოვეს.

შაქარაშვილის საქმეზე ბრალდებულ ხუთ პირს ბრალი 11 აგვისტოს დაუმძიმეს. ვახტანგ ჩიქოვანს, ნიკოლოზ რევაზიშვილს, არჩილ გაგნიძესა და არასრულწლოვნებს: ზ.ხ.-და და ა.ქ.-ს გამოძიება დამამძიმებელ გარემოებებში განზრახ მკვლელობას ედავება. კერძოდ, პროკურატურა ამბობს, რომ მათ გიორგი შაქარაშვილი სცემეს და შემდეგ მდინარეში გადააგდეს, რა დროსაც ის გარდაიცვალა.