ევროპული საქართველოს მაჟორიტარობის კანდიდატის ვაკისა და საბურთალოს ოლქში, ელენე ხოშტარიას თქმით, ოპოზიცური ძალები არიან ერთნი ერთი ამოცანის, ბიძინა ივანიშვილის დამარცხების წინააღმდეგ. თუმცა, მისივე თქმით, ისინი ვერ იქნებიან ერთნაირები, რადგან ყველა ოპოზიციურ ძალას შორის არის მკაფიო იდეური განსხვავება.

"ჩვენ ვართ ერთიანები, მაგრამ არა ერთნაირები. ეს ის მოცემულობაა, რომელიც ამ არჩევნებზე სხვადასხვა ფაქტორის გამო შეიქმნა. გავრილოვის პროტესტის შემდეგ საზოგადოების დაკვეთა, პროპორციული საარჩევნო სისტემა, ცალცალკე ვერავინ ვუგებთ ბიძინას — ეს ფაქტორები განაპირობებს ამ მოცემულობას.

მაგალითად ერთიანები ვართ არსებული სისტემის შეცვლაში, მაგრამ ვერ და არ ვიქნებით ერთიანები ვინმე კონკრეტულის ძალაუფლებაში მობრუნებაში და მოსვლაში. ერთიანები უნდა ვიყოთ კოალიციის შექმნის საკითხში, ამასთანავე უნდა ვანახოთ განსხვავებები, რომ ამ კოალიციაში მეტი წილი გქონდეს. ერთიანები ვართ მართლმსაჯულების სისტემის შეცვლის საკითხში, მაგრამ ნაბიჯებს შეიძლება განსხვავებულად ვხედავთ და ამაზე კოალიციაში ჭიდილი მხოლოდ კარგს მოიტანს. ერთიანები ვართ პროდასავლურ კურსში და ა.შ.", — განაცხადა მან.

მისივე თქმით, რთული მოცემულობაა განსხვავებების ჩვენებაში ერთიანობა არ დაიმსხვრეს, ან პირიქით, ერთიანობის "ხათრით ერთ მასად იქცე და ამით მათ შორის ბიძინას პროპაგანდას შეუწყო ხელი".

"პოზიციებიც განსხვავებული გაქვს, საერთო კანდიდატებს ეგოისტურად გვჭირდება ერთიანობა, ამ დროს ბევრ ადგილას მიდის კონკურენცია და განსხვავების ჩვენება მეტად ჭირდებათ. მოკლედ, ობიექტურად არაა ადვილი მოცემულობა, მაგრამ ადვილი ლობიოს ჭამაა თუ როგორ არის აღარ მახსოვს.

მოკლედ, ბევრი ფიქრის შედეგად იმ დასკვნამდე მივედი, რომ ფორმა შეიძლება გადამწყვეტი აღმოჩნდეს ამ მთელ პროცესში. სწორი ფორმის ნახვა, სადაც კამათობ და არა იბრძვი გასანადგურებლად, კატეგორულად არ ეთანხმები, მაგრამ პატივს ცემ. ყველას მოგვიწევს ამ სწორი ფორმის ნახვა. ეხლა ვერ ვიტყვი, რომ რომელილემ უკლებლივ საუკეთესო ფორმა ნახა

ერთი თვეა წინ და ყველა დავფიქრდეთ ყოველ ჯერზე, ჩემ თავსაც ვეუბნები ამას. არც მე უნდა გავჩუმდე ხმებისთვის და არც განსხვავებულობა გადაიზარდოს ხალხის დამაბნეველ პროცესად", — განაცხადა ელენე ხოშტარიამ.

იმ ოპოზიციურ პარტიებს შორის, რომლებიც ბოლო თვეები, განსხვავებულობების მიუხედავად, ერთად იბრძოდნენ საარჩევნო სისტემის ცვლილებისთვის, რამდენჯერმე დაპირისპირება მოხდა. თავდაპირველად, დავის მიზეზი პრემიერმინისტრობის კანდიდატი გახდა ენმ-სა და სტრატეგია აღაშენებელს შორის, რის გამოც ვაშაძემ ძალა ერთობაშია დატოვა, ენმ-მ კი მას მაჟორიტარულ ოლქში კონკურენტი დაუყენა. ამის შემდეგ დავა დაიწყო ენმ-სა და ევროპულ საქართველოს შორის, ამჯერადაც პრემიერობის კანდიდატსა და კოალიციურ მთავრობაზე. ბოლოს კი ერთმანეთს გირჩი და ენმ დაუპირისპირდნენ.