თბილისის სხვადასხვა ადგილას უფასო ელექტრონულ ბიბლიოთეკებს განათავსებენ
![მარჯვნიდან: გიორგი აბაშიშვილი, დავით ნარმანია, რატი ამაღლობელი.](http://rachel.on.ge/2016/05/16/4G2A04626_copy_5739a050e4c13.jpg)
ფოტო: თბილისის მერია
ქალაქი ბიბლიოთეკა - ასე ეწოდება პროექტს, რომლის ფარგლებშიც, წიგნების სახლი საბა, თბილისის მერიასა და პრეზიდენტის ფონდთან ერთად, დედაქალაქის სხვადასხვა ადგილას უფასო ელექტრონულ ბიბლიოთეკებს განათავსებს და თბილისელებსა და დედაქალაქის სტუმრებს ასობით ელექტრონულ წიგნს აჩუქებს. პროექტის შესახებ ინფორმაცია ჟურნალისტებს დღეს, 16 მაისს გამართულ პრესკონფერენციაზე დედაქალაქის მერიამ მიაწოდა.
ქალაქი ბიბლიოთეკა სოციალურ-საგანმანათლებლო პროექტია, რომელიც, Saba Reader-ის მეშვეობით, საბას ელექტრონული წიგნების smartphone-ში ჩატვირთვის შესაძლებლობას ნებისმიერ მსურველს მისცემს.
გარდა ამისა, თბილისში მწერლების სახელობის ქუჩებზე, სახლ-მუზეუმებთან, ბიბლიოთეკებთან, პარკებში, მეტროპოლიტენში, პანთეონებთან ორიგინალური კონსტრუქციები - საბას ელექტრონული ბიბლიოთეკები დამონტაჟდება, რომელზეც ქუჩის/შენობის მანიშნებელთან ერთად, ელექტრონული წიგნები განთავსდება:
"მათზე დაბეჭდილი QR კოდის საშუალებით კი ნებისმიერი მსურველი წიგნის ჩამოტვირთვას საკუთარ ტელეფონში, Saba Reader აპლიკაციაში შეძლებს, მისი წაკითხვა კი ინტერნეტის გარეშე იქნება შესაძლებელი".
ელექტრონული ბიბლიოთეკის დიზაინის შემქმნელის გამოსავლენად თბილისის მერიამ კონკურსი დღესვე გამოაცხადა. 1 ივნისს კი კონკურსში მონაწილე საუკეთესო დიზაინერულ კონცეფციას გამოავლენენ.
პროექტს წიგნების სახლი - საბა, თბილისის მერია და პრეზიდენტის ფონდი განახორციელებს. ელექტრონული ბიბლიოთეკის პარტნიორები არიან ფონდი ღია საზოგადოება საქართველო და საზოგადოებრივი მაუწყებელი.
პრესკონფერენციას თბილისის მერი დავით ნარმანია, საბას დამფუძნებელი რატი ამაღლობელი და პრეზიდენტის ადმინისტრაციის უფროსი, გიორგი აბაშიშვილი დაესწრნენ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები