დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ოკუპირებული აფხაზეთისა და ცხინვალის დე ფაქტო მთავრობების მიერ რუსული ვაქცინის შესაძლო შესყიდავზე დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ სპუტნიკ V-ის ვაქცინას რუსეთშიც აკრიტიკებენ. გამყრელიძის თქმით, მას ფართომასშტაბიანი, მესამე ფაზის კვლევა არ გაუვლია, რასაც მსოფლიოს 4 ვაქცინა დღეს გადის.

"მეჩნიკოვის სახელობის ვაქცინებისა და შრატების ინსტიტუტის დირექტორმაც გააკრიტიკა ეს ვაქცინა. ის ფართო ხმარებაში ჯერ არ არის. სპუტნიკ V ნოემბერში უნდა გაეშვას", — განაცხადა გამყრელიძემ მთავრობის საკოორდინაციო საბჭოს სხდომის დასრულების შემდეგ.

ოკუპირებული აფხაზეთის დე ფაქტო ჯანდაცვის მინისტრმა, თამაზ წახნაკიამ აფსნიპრესს უთხრა, რომ რუსულ ვაქციას შეიძენენ და ამისთვის რუსეთის ხელისუფლებას უკვე მიმართეს. საუბარია 15-20 000 დოზაზე.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: