გერმანიის საგარეო საქმეთა სამინისტრომ საკუთარი მოქალაქეები გააფრთხილა, რომ საქართველოში არასაჭირო ვიზიტებისგან თავი შეიკავონ, რადგან ქვეყანაში კორონავირუსის შემთხვევებმა იმატა.

განცხადებაში ნათქვამია, მიუხედავად იმისა, რომ საქართველომ ნაკლებად განიცადა კორონავირუსის ზემოქმედება, ბოლო დროს ქვეყანაში ვირუსი სწრაფად ვრცელდება, განსაკუთრებით აჭარის რეგიონში.

საქართველომ 8 ივლისიდან ქვეყანაში შეუზღუდავი შესვლის ნებართვა შემდეგი ქვეყნებისთვის გასცა — გერმანია, საფრანგეთი, ესტონეთი, ლიეტუვა და ლატვია. მათ, ვისაც არ ჰქონდათ გერმანიის მოქალაქეობა, მაგრამ გერმანიაში ცხოვრობენ, საქართველოში შემოსვლისთანავე უნდა წარედგინათ შეუზღუდავი ბინადრობის ნებართვა. ქვეყნის ხელისუფლების განცხადების თანახმად, ბინადრობის სხვა მოწმობა არ დაიშვებოდა.

15 სექტემბრიდან კი თუ პირდაპირი ფრენა რომელიმე ზემოთ ჩამოთვლილი ხუთი ქვეყნიდან სრულდება, პირმა ბოლო 72 საათის განმავლობაში ჩატარებული PCR ტესტის პასუხი უნდა წარადგინოს, ან თბილისის აეროპორტში შესვლისთანავე ტესტირება ჩაიტარონ და სანამ პასუხი ცნობილი არ გახდება, თვითიზოლაციაში დარჩნენ.

21 სექტემბრიდან საქართველოდან ლიეტუვაში ჩასული ნებისმიერი პირი 14 დღიან სავალდებულო თვითიზოლაციის პერიოდს გაივლის. იფნორმაცია ამის შესახებ საქართველოს საელჩომ ლიეტუვაში საკუთარ ფეისბუქგვერდზე გამოაქვეყნა.

რაც შეეხება ლატვიას, საქართველოდან ჩასულ პირს 10 დღიანი თვითიზოლაციის პერიოდის გავლა უწევს. აღნიშნული დადგენილება უკვე 19 სექტემბრიდან ამოქმედდა და ინფორმაცია საქართველოს საელჩომ ლატვიაში ფესიბუქგვერდზე გამოაქვეყნა.