საწვავის ფასმა მატება ზაფხულიდან დაიწყო და დღემდე, 1 ლიტრი საწვავი, დაახლოებით 25-30 თეთრით გაძვირდა.

სხვადასხვა სახეობის ბენზინი ვისოლში ბოლოს 25 დეკემბერს გაძვირდა, ხოლო გალფში - დღეს. თვის დასაწყისში, კომპანიების ნაწილი საწვავის ფასის მატებას საერთაშორისო ბაზარზე გაზრდილ ფასებს უკავშირებდა, თუმცა არ უარყოფდნენ დოლართან ლარის გაუფასურების გავლენას.

როგორ შეიცვალა საწვავის ფასი ვისოლში 17 ივლისიდან 25 დეკემბრამდე:

  • ეკო სუპერი - 1,95 ლარიდან 2,19 ლარამდე;
  • ეკო პრემიუმი - 1,79 ლარიდან 1,99 ლარამდე;
  • ეკო რეგულარი - 1,75 ლარიდან 1,94 ლარამდე;
  • ეკო დიზელი - 1,75 ლარიდან 2 ლარამდე;
  • ევრო დიზელი - 1,63 ლარიდან 1,88 ლარამდე;
  • ევრო რეგულარი - 1,59 ლარიდან 1,84 ლარამდე;
  • დიზელ ენერჯი - 1,55 ლარიდან 1,8 ლარამდე;
  • ვისოლ გაზი - 1,20 ლარიდან 1,25 ლარამდე;

გალფში, საწვავის ფასმა, გაზის გარდა, დეკემბერში ყველა კატეგორიაზე მოიმატა. ნავთობკომპანიის საიტზე ჩანს, რომელი სახეობის საწვავი რამდენით გაძვირდა.

18 ივლისიდან 27 დეკემბრამდე.

  • G-Force პრემიუმი 1,79 ლარიდან 2,04 ლარამდე;
  • G-Force ევრო რეგულარი 1,67 ლარიდან 1,94 ლარამდე;
  • ევრო რეგულარი 1,58 ლარიდან 1,84 ლარამდე;
  • G-Force ევრო დიზელი 1,75 ლარიდან 1,99 ლარამდე;
  • ევრო დიზელი 1,59 ლარიდან 1,84 ლარამდე.
  • გაზი 1,18 ლარიდან 1,27 ლარამდე;

მოსალოდნელია, რომ 2017 წლიდან საწვავზე ფასი კიდევ გაიზრდება, რადგან მთავრობამ აქციზის გადასახადის გაზრდა დააანონსა. არსებული ინფორმაციით, 1 ტონა აქციზის ღირებულება 250-დან 500 ლარამდე გაიზრდება, 1 ტონა დიზელზე - 150-დან 400 ლარამდე, 1000 მ3 გაზზე კი 80-დან 200 ლარამდე. აქციზის გადასახადის ზრდა 1 ლიტრი საწვავის ღირებულებას, დაახლოებით 20-25 თეთრით გაზრდის.