ევროპული საქართველოს გურიის მაჟორიტარობის კანდიდატის თქმით, მის კონკურენტს სცემს პატივს, რადგან ის არის ოლიმპიური ჩემპიონი, თუმცა როგორც გოგორიშვილი აღნიშნავს, გურიას სჭირდება კვალიფიციური კადრი, რომელიც მოუტანს ამ რეგიონს გარდამტეხ ცვლილებებს.

"ოპოზიციიდან ჩემი მთავარი კონკურენტი გურიაში იქნებოდა, ვისაც ნაციონალური მოძრაობა დააყენებდა და როგორც იქნა, თქვეს და ეს არის კახა ოქრიაშვილის და ცეზარ ჩოჩელის პარტიის წარმომადგენელი. მე არ ვიცნობ ამ ადამიანს და მხოლოდ პატივისცემა მაქვს, როგორც ოლიმპიური ჩემპიონის და მოჭიდავის მიმართ, მაგრამ მე მგონი, გურიას მოჭიდავეები კი არა, პატრონი სჭირდება, პატრონი, რომელიც მათ ყოფით პრობლემებს მოაგვარებს.

გოგორიშვილი ასევე გამოეხმაურა კახა გეწაძის კანდიდატურას ის ის ბიზნესმენ გიორგი კალანდაძის [რიჟას] ხელის ბიჭად მოიხსენია.

ზესტაფონში ნაციონალური მოძრაობის მაჟორიტარობის კანდიდატი კახა გეწაძე არის ხელის ბიჭი ე.წ. რიჟასი და როდესაც ორი თვის წინ ნაციონალურ მოძრაობას თავი მოჰქონდა, რომ აი, ისეთი კანდიდატები ეყოლება, რომ დაირაზმება მთელი ამომრჩეველთა სპექტრი, ვისი გულისთვის დაირაზმება, კახა გეწაძის გულისთვის?! ამისთვის ჩაიშალა საერთო კანდიდატებზე შეთანხმება?! მე შემიძლია ვთქვა ერთი რამ, რომ საერთო მაჟორიტარობის კანდიდატებზე ოპოზიციის მხირდან რაც თბილისში მოხდა იყო ძალიან კარგი და შეთანხმება დარჩენილ 22 ოლქშიც რომ არ მოხდა, ეს იყო უბრალოდ კაპრიზი და ის კონკრეტული არგუმენტი, რომ ნაციონალურ მოძრაობას ყველგან ჰყავს ვარსკვლავები, როგორც გამოჩნდა, ვარსკვლავებისგან შორს არიან", — განაცხადა ხათუნა გოგორიშვილმა.

გოგორიშვილის თქმით, გეწაძე არ არის კანდიდატი, რომლისთვისაც ამომრჩეველი დაირაზმება და მხარს დაუჭერს, როგორც ეს ენმ-ში თქვეს. გოგორიშვილმა აღნიშნა, რომ ასეთი კანდიდატების გამო არ უნდა ჩაშლილიყო ოპოზიციური გაერთიანება რეგიონებში.