მინსკში ქალთა მარშზე 200-ზე მეტი ადამიანი დააკავეს. დაკავებულთა შორის არის 73 წლის აქტივისტი ნინა ბაგინსკაია, რომელიც ბელორუსული პროტესტების ერთ-ერტ სიმბოლოდ იქცა.

სამართალდამცავმა ორგანიებამ ერთ-ერთ სავაჭრო ცენტრთან ქალები ალყაში მოაქციეს. ალყაში მოქცეულები სკანდირებდნენ "ჩვენ ვსერინობთ!". ეს ფრაზა "მე ვსეირნობ" ნინა ბაგინსკაიამ 13 აგვისტოს თქვა, როცა ომონი ის დაკავებას ცდილობდა.

ფოტო: TUT.BY

ფოტო: TUT.BY

ფოტო: TUT.BY

ფოტო: TUT.BY

ქალების მარში ბელარუსის საპროტესტო ტალღის ერთ-ერთი მტავარი სიმბოლოა. ისინი ყოველკვირეულად იკრიბებიან და ლუკასენკოს რეჟიმის დასრულებას მოითხოვენ.

ბელარუსში ჩატარებული საპრეზიდენტო არჩევნების შემდეგ ქვეყანა საპროტესტო აქციებმა მოიცვა. მოქალაქეები ალექსანდრ ლუკაშენკოს კვლავ გაპრეზიდენტებას აპროტესტებენ და არჩევნების თავიდან ჩატარებას მოითხოვენ. არჩევნების შედეგებს არ აღიარებს გაერთიანებული ოპოზიციის კანდიდატი სვეტლანა ტიხანოვსკაია, რომელიც შედეგების გამოცხადების შემდეგ იძულებული იყო, ქვეყანა დაეტოვებინა. მისი ინიციატივით, ძალაუფლების მშვიდობიანი გადაბარებისთვის საკოორდინაციო საბჭო შეიქმნა.

ევროპარლამენტმა ბელარუსში აგვისტოში ჩატარებულ არჩევნებს გაყალბებული უწოდა და არ აღიარა. ევროპარლამენტის თქმით, ლუკაშენკოს 5 ნოემბრიდან, როცა მისი უფლებამოსილების ვადა ამოიწურება, პრეზიდენტად აღარ აღიარებენ. ასევე, ევროკავშირს მოუწოდეს, რომ ლუკაშენკოს ეკონომიკური სანქციები დაეკისროს.