ეკონომიკის მინისტრმა, ნათია თურნავამ ევროპული საქართველოს დეპუტატს, გიორგი კანდელაკს უპასუხა, რომ ის პოლიტიკური მოტივი, თითქოსდა, საბერძნეთის საზღვრებს იმიტომ არ ხსნის მთავრობა, რომ იქ ბევრი "განრისხებული პოტენციური ამომრჩეველია" — სიცრუეა.

თურნავას თქმით, არ არსებობს თვითმფრინავი, რომელიც ევროპული საქართველოსთვის "ამ მითოლოგიურ ამომრჩეველს" ჩამოიყვანს, რათა საარჩევნოდ მათი რეიტინგი გაუმჯობესდეს.

"ნებისმიერ არჩევნებში მონაწილეობის უფლების მქონე საქართველოს მოქალაქეს, სადაც არ უნდა იყოს ის, აქვს უფლება მიიღოს არჩევნებში მონაწილეობა, ჩვენს საკონსულოებს და საელჩოებში", — აღნიშნა თურნავამ.

მისი განცხადებით, ეს არის "სუფთა პოლიტიკური მცდელობა", რომლითაც ისინი ცდილობენ ილუზია შექმნან, რომ "სადღაც შორს არსებობს მასობრივი ამომრჩეველი" და საქართველოს ხელისუფლება მათ ჩამოსვლას ხელს უშლის.

გიორგი კანდელაკის თქმით, მას აქვს ინფორმაცია, რის გამოც მთავრობა უარს ეუბნება ავიაკომპანიებს, განსაკუთრები wizzair-ს და Ryanair-ს, საქართველოს მიერ უსაფრთხოდ გამოცხადებული ქვეყნებიდანვე ფრენების დაწყებაზე. დეპუტატის თქმით, ამის მიზეზია შიში, რომ არჩევნებისთვის საქართველოს მოქალაქეები დაბრუნდებიან. იგი ამბობს, რომ საბერძნეთიდან, სავარაუდოდ, ბევრად მეტი ქართველი დაბრუნდება, ვიდრე საფრანგეთიდან და ისინი, დიდი ალბათობით, ქართული ოცნების წინააღმდეგ მისცემენ ხმას.