ამერიკულ-ქართული განათლების ცენტრის ორგანიზებით 2020 წლის 10 ოქტომბერს, 12:00-დან 18:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 22 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე:https://leafonlinefair.com/

მათ, ვისაც სურს, სწავლა ევროპაში, კერძოდ ესპანეთში გააგრძელოს, ამერიკულ-ქართული განათლების ცენტრი გთავაზობთ ESIC ბიზნესისა და მარკეტინგის სკოლას.

ფოტო: leaf.ge

ESIC-ის ბიზნესისა და მარკეტინგის სკოლა 1965 წელს დაარსდა და მას შემდეგ გთავაზობთ სხვადასხვა საბაკალავრო და სამაგისტრო პროგრამებს ბიზნესის განხრით. გარდა იმისა, რომ ESIC ერთ-ერთი პირველი ბიზნეს სკოლა იყო ესპანეთში, იგი მარკეტინგული განათლების სფეროში პიონერი გახლდათ.

ESIC აფილირებულია რამდენიმე სახელმწიფო უნივერსიტეტთან, რომელთა შორისაა Universidad Rey Juan Carlos, Virgili I Rovira, Miguel Hernandez, და Universidad San Jorge.

სკოლა ასევე აღიარებულია, როგორც უმაღლესი განათლების ოფიციალური ცენტრი ბრაზილიის განათლების სამინისტროს მიერ, რადგან ESIC-ის ერთ-ერთი კამპუსი კურიტიბაში, ბრაზილიაში მდებარეობს. გარდა ამისა, აღნიშნულ სკოლას კამპუსები აქვს მადრიდში, ბარსელონაში, ვალენსიაში, სარაგოსაში, მალაგაში, გალიციაში, პამპლონაში, ბილბაოსა და გრანადაში.

სწავლის საფასური 7-8 ათასი ევროდან იწყება და განსხვავდება კამპუსისა და პროგრამის შესაბამისად.

თქვენ გაქვთ შესაძლებლობა პირადად შეხვდეთ ESIC-ის ბიზნესისა და მარკეტინგის სკოლის წარმომადგენელს განათლების საერთაშორისო ვირტუალურ გამოფენაზე 10 ოქტომბერს, 12 საათიდან 18 საათამდე. შემოგვიერთდით: https://leafonlinefair.com/