პარლამენტის თავმჯდომარე, არჩილ თალაკვაძე იწუნებს IRI-ს კვლევას, რომელშიც ქართულ ოცნებას 36%-იანი მხარდაჭერა აქვს. მისი აზრით, ეს კვლევა არ ასახავს სრულფასოვან სინამდვილეს, ამიტომ ის მოუწოდებს მოსახლეობას, ის კვლევები ნახონ, სადაც ქართული ოცნება 56%-იანი მხარდაჭერით სარგებლობს.

"არსებობს უკვე არაერთი ავტორიტეტული კვლევა, სადაც ჩანს, რომ ქართულ ოცნებას აქვს 56% და კიდევ უფრო მაღალი ნდობა და ეს ყველაფერი, საარჩევნო კამპანიის შუაში. უკვე არსებული მხარდაჭერა არის იმისთვის, რომ ჩვენ მივიღოთ საპარლამენტო უმრავლესობა, რაც შეეხება ამ კონკრეტულ კვლევას, არაერთხელ განვმარტეთ ჩვენ, რომ ეს არის შედეგები, რომელიც დამუშავებულია ალოკაციის გარეშე, რაც არ ასახავს სრულფასოვან სურათს იმ ჯგუფებში, რომლებმაც თავი შეიკავეს პასუხის გაცემისგან", — განაცხადა თალაკვაძემ.

საერთაშორისო რესპუბლიკური ინტიტუტის (IRI) კვლევის მიხედვით, მომავალ კვირას რომ არჩევნები იყოს, 36% ხმას ქართულ ოცნებას მისცემდა, 15% ნაციონალურ მოძრაობას, 4% ევროპულ საქართველოსა და სტრატეგია აღმაშენებელს.