ეკონომიკის მინისტრის, ნათია თურნავას თქმით, ლარის კურსი საკმაოდ ჯანსაღია. როგორც მან რუსთავი 2-ის ეთერში თქვა, ლარის რყევები საკმაოდ მცირეა.

"ლარს სარეანიმაციო, საბედნიეროდ, არაფერი სჭირს, საკმაოდ ჯანსაღია. შემცირდა შემოსავლები ტურიზმიდან, შემცირდა შემოსავლები საგარეო ვაჭრობიდან და ეს არ შეიძლება არ აისახოს ლარის კურსზე, ეკონომიკური ვარდნა, მოსალოდნელი ზრდის მაგივრად. მაგრამ ჩვენი ეკონომიკური გუნდი, ეროვნული ბანკი, კორდინირებული პოლიტიკის შედეგად იმას აღწევს, რომ ლარის რყევები არის საკმაოდ მცირე, შედარაეთ რეგიონის სხვა კურსებს", — განაცვხადა მინისტრმა.

ლარის სტაბილურობაზე ისაუბრა ფინანსთა მინისტრმა, ივანე მაჭავარიანმაც. მისი თქმით, ეროვნულმა ბანკმაც გამოთქვა მზაობა, რომ საჭიროების შემთხვევაში "ჩაერიოს" და სიტუაცია მართოს.

მან, ასევე, აღნიშნა, რომ ბოლო რამდენიმე თვის მანძილზე ინფლაცია მცირდებოდა, ამიტომ წლის ბოლოსკენ "საკმაოდ დაბალ და ნორმალიზებულ მაჩვენებელს დავუბრუნდებით".