პსპ დაზღვევამ სრულიად ახალი, სტომატოლოგიური დაზღვევის პროექტი პსპ დენტი შესთავაზა მოსახლეობას. როგორც კომპანიაში აცხადებენ პროექტი უალტერნატივოა და მას ანალოგი არ აქვს საქართველოს სადაზღვევო ბაზარზე. პროდუქტის უნიკალურობას კი განაპირობებს 3 მთავარი ფაქტორი:

  • პსპ დენტი ფარავს კონკრეტულად სტომატოლოგიურ მომსახურებას სრულად, გამონაკლისის გარეშე;
  • სარგებლობა შესაძლებელია ნებისმიერი მოქალაქესთვის ასაკის შეუზღუდავად;
  • პროდუქტი განკუთვნილია, როგორც დაზღვევის არ მქონე, ასევე დაზღვევის სხვადასხვა პროგრამით მოსარგებლე პირთათვის;

“პსპ დაზღვევის პორტფელის დიდი წილი შედგება კორპორატიული დაზღვევის კომპონენტისგან. თუმცა, კომპანიის სტრატეგიაა განავითაროს საცალო პროდუქტები, რადგან შესაბამისი პროდუქტი ბაზარზე ძალიან მწირია, მოთხოვნა კი საკმაოდ დიდი. შესაბამისად, კომპანია აქტიურად მუშაობს ამ მიმართულების განვითარებაზე და სწორედ ამიტომ, პსპ დაზღვევამ შეიმუშავა ახალი, სრულიად ინოვაციური და უნიკალური პროდუქტი პსპ დენტი, რომელიც ითვალისწინებს სტომატოლოგიური მომსახურების დაზღვევას და რომლის ანალოგიც სადაზღვევო ბაზარზე არ გვაქვს. ვფიქრობთ, პსპ დენტი მალე მოიპოვებს საზოგადოების დაინტერესებასა და მოწონებას",- აცხადებენ პსპ დაზღვევაში.

2010 წლიდან „პსპ დაზღვევა“ მომხმარებელს მუდმივად სთავაზობს განსხვავებულ სერვისებს და პროდუქტებს, იცავს მომსახურების მაღალ სტანდარტს და იმსახურებს მომხმარებლის ნდობას.