პარლამენტის თავმჯდომარის მოადგილე მამუკა მდინარაძე ფიქრობს, რომ ქართულ ოცნებას არავისთან კოალიცია არ დასჭირდება, რადგან მათ მაღალი რეიტინგი აქვთ. მისი თქმით, მათი ეს X"ხალხის განწყობისა და საზოგადოების სუპერადეკვატურობიდან" გამომდინარეობს.

"[საზოგადოება] თვლის, რომ არათუ უკეთესი, არამედ მიმსგავსებული პოლიტიკური ძალა და სუბიექტი, რომელსაც შეუძლია ორიენტრირება გააკეთოს რეალურად მომავალზე, რაციონალურად იფიქროს იმაზე, თუ როგორ განავითაროს ქვეყანა, დეოკუპაციის გზაზე მშვიდობით იაროს, სხვა არ არის. ამიტომ არის ქართული საზოგადოების ეს განწყობა, რომ 60%-მდე მხარს უჭერენ ქართულ ოცნებას", — ამბობს მდინარაძე.

NDI-ის ახალი კვლევის მიხედვით, მაგალითად, "ხვალ რომ საპარლამენტო არჩევნები ტარდებოდეს, ვის მისცემთ ხმას?", გამოკითხულთა უმრავლესობამ არ იცის ან არ ასახელებს იმ პარტიას, რომელსაც ხმას მისცემდა. მოსახლეობის მხოლოდ 27%-მა დაასახელა კონკრეტული პარტია, მათ შორის 17% — ქართული ოცნება, 5% — ნაციონალური მოძრაობა, ასევე 5% სხვა პარტიები.