ბოდბელი ეპისკოპოსი იაკობი მედიას კიდევ ერთხელ ემუქრება და ტელევიზიების დირექტორებს მიმართავს "თუ არ უნდათ, რომ ლაჩრულად და სამარცხვინოდ დაამთავრონ თავიანი საქმეები, ჯობია მიხედონ თავიანთ საქმეებს", — ამბობს მეუფე იაკობი.

"რამდენი ხანია, ეკლესიაზე მიდის შეტევა. ისევ პრესით, ტელევიზიებით. მე ამას ჟურნალისტებს არ ვაბრალებ. წინა ქადაგებაშიც ვთქვი, ეს არის ტელევიზიის მეპატრონეების ბრალი, რა შეკვეთასაც მისცემენ, ჟურნალისტი იმას გააკეთებს. რომელ თავისუფალ ტელევიზიაზე, პრესაზე ან ჟურნალისტზეა ლაპარაკი. რასაც შეუკვეთავენ, დაწერენ და აკეთებენ, რამდენი წელია ეკლესიაზე მიდის ბრძოლა. რომელ კრიტიკაზე დამიწყეს ლაპარაკი? კრიტიკა კი არა, ეკლესიის მტრები არიან ჩვეულებრივი, კარგად იცოდნენ, რა. მტრები არიან და ეს უნდა უთხრან. მე წინაზეც მოვუწოდე ჩვენს მეუფეებს, რომ ამოიღონ ხმა. მათ გადახედონ, რომელი ტელევიზიებიც გვიტევენ ხელმძღვანელები ვინ არიან და იმ ხელმძღვანელებმაც იცოდნენ — ყელში ამოგვივა და პასუხს მოვთხოვთ მაგათ. იმიტომ, რომ მოსათხოვი აქვთ პასუხი და მოეთხოვებათ კიდევაც", — ამბობს მეუფე იაკობი.

ბოდბელი მთავარეპისკოპოსი მეუფე იაკობი მედიებს მაშინაც აკრიტიკებდა როდესაც განაცხადა, რომ წინასაარჩევნო პერიოდში მმართველი გუნდის ლიდერების ეკლესიაში მისვლა, ან სასულიერო პირების წასვლა პარტიულ აქტივობაზე არჩევნებში ჩარევა არ არის. მისი მტკიცებით, თუ არჩევნებში ჩარევა მოუნდება, ჩაერევა, მაგრამ პარტიულ შეკრებებს არ ესწრება, რადგან "ღმერთი ჰყავს არჩეული".