ტელეკომპანია რუსთავი 2-ის ყველა თანამშრომელს კორონავირუსზე ტესტირება ჩაუტარდება. ამის შესახებ დღეს ტელეკომპანიის აღმასრულებელმა დირექტორმა, ირაკლი იმნაიშვილმა განაცხადა. მისივე თქმით, ცვილებები შევა ყოველდღიურ სამუშაო პროცესშიც, ასევე დაინერგება შესაბამისი პროტოკოლი, რომ არ გაჩერდეს მაუწყებლობა.

"ჩვენ მივიღეთ გადაწყვეტილება, რომ მხოლოდ დღეს გადაცემა ღამის კურიერი მოგვეხსნა ეთერიდან, უბრალო მიზეზის გამო, რომ ჩვენ არ გვაქვს შეფასებული რისკები, ჩვენ არ გვინდა, რომ ჩვენი ოპერაციით საფრთხის ქვეშ დავაყენოთ სხვები", — განაცხადა ირაკლი იმნაიშვილმა.

რუსთავი 2-ის ჟურნალისტს, თეონა ცხომელიძეს კორონავირუსი დღეს დაუდასტურდა. ამ ეტაპზე მისი კონტაქტების გამოკვლევა მიმდინარეობს.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა. ამის შესახებ ინფორმაცია დაავადებათა კონტროლის გვერდზე განახლდა.

ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19. კარანტინის რეჟიმში — 5 882 პირი იმყოფება, სტაციონარში მეთვალყურეობის ქვეშ — 390.