მორაგბე დავით კაჭარავა ამბობს, რომ პოლიტიკაში წასვლა და პარლამენტში კენჭისყრა მისი ინიციატივა იყო, რომელიც მან მმართველ გუნდს წარუდგინა. ამის შესახებ მან იმედის ეთერში ისაუბრა.

"ალალად გეტყვით, რომ ეს ჩემი ინიციატივა იყო, ეს ჩემი სურვილი იყო. გავაცანი ჩემი სურვილი მმართველი გუნდის წარმომადგენლებს. რა თქმა უნდა, იყო განხილვა კონსულტაციები, ერთად მივიღეთ გადაწყვეტილება, რომ გავხდებოდი ამ გუნდის წევრი", — აღნიშნა კაჭარავამ.

კაჭარავა ამბობს, შეეცდება სპორტის განვითარებაზე იზრუნოს. მისივე თქმით, სპორტულ სფეროში გამოცდილება დააგროვა და მოწინავე ქვეყნების სპორტული განვითარება აქვს ნანახი.

"ვფიქრობ, რომ პარლამენტიდან ჩვენი ქვეყნისთვის ბევრად მეტი პროექტების შესრულებას შევძლებთ, ბევრად უფრო მეტ მოედანს ავაშენებთ, მეტ დარბაზს გავაკეთებთ. შევეცდები, უფრო მეტი სპორტი შევიტანო განათლების სისტემაში, რაც მოგვცემს ჯანმრთელ, განათლებულ თაობას", — აღნიშნა მან.

ქართული ოცნების განახლებულ პროპორციულ სიაში მოხვდნენ როგორც ძველი, ისე ახალი სახეები. მათ შორის პირველ ოცეულში ყოფილი სპორტსმენებიც არიან.

პრემიერობის კანდიდატი და სიის პირველი ნომერი გიორგი გახარიაა. მეორე ნომრად პარლამენტის მოქმედი თავმჯდომარე, არჩილ თალაკვაძე დაასახელს.

ნახეთ სრული სია:

  • გიორგი გახარია;
  • არჩილ თალაკვაძე;
  • ირაკლი კობახიძე;
  • თეა წულუკიანი;
  • მამუკა მდინარაძე;
  • კახა კუჭავა;
  • გიორგი კახიანი;
  • მარიამ ქვრივიშვილი;
  • მიხეილ სარჯველაძე;
  • მაია ბითაძე;
  • მიხეილ დაოშვილი;
  • გიორგი ამილახვარი;
  • ვიქტორ სანიკიძე;
  • მაკა ბოჭორიშვილი;
  • შალვა პაპუაშვსილი;
  • დავით კაჭარავა;
  • ნიკოლოზ სამხარაძე;
  • გიორგი ხელაშვილი;
  • მარიამ ლაშხი;
  • ბექა დავითულიანი.

ამავე თემაზე: