საქართველოს ეროვნული ნაკრების ყოფილმა კალათბურთელმა და ქართული ოცნების პარტიული სიის მე-13 ნომერმა, ვიქტორ სანიკიძემ განაცხადა, რომ მის "რესურს, კავშრებსა და შესაძლებლობებს" გამოიყენებს, რომ პარტიასთან ერთად იბრძოლოს ქვეყნის წარმატებისთვის.

"ჩემი სპორტული კარიერის დამთავრების შემდეგ ეს არის ჩემთვის ახალი გამოწვევა. მე დაახლოებით 15 წლის მანძილზე ვიბრძოდი და ვიცავდი ჩვენი ქვეყნის ეროვნული გუნდის ღირსებას. დღეს უკვე წარმოვადგენ ქართულ ოცნებას და მინდა ჩემი რესურსი, კავშირები და შესაძლებლობები გამოვიყენო, რომ ქართულ ოცნებასთან ერთად ვიბრძოლო საქართველოს წარმატებისთვის", — განაცხადა სანიკიძემ ჟურნალისტებთან.

მან არ უპასუხა ჟურნალისტების კითხვებს, თუ რა თემებზე აპირებს მუშაობას პარლამენტში და განაცხადა, რომ მათთან კომუნიკაციის საშუალება მომავალშიც ექნება.

როგორც ქართული ოცნების საარჩევნო შტაბის ხელმძღვანელმა, ირაკლი კობახიძემ განმარტა, სანიკიძე 13 ნომრად დასახელდა იმიტომ, რომ ეროვნულ ნაკრებშიც ამ ნომრით თამაშობდა.

ქართული ოცნების განახლებულ პროპორციულ სიაში მოხვდნენ როგორც ძველი, ისე ახალი სახეები. პრემიერობის კანდიდატი და სიის პირველი ნომერი გიორგი გახარიაა. მეორე ნომრად პარლამენტის მოქმედი თავმჯდომარე, არჩილ თალაკვაძე დაასახელს.

ნახეთ სრული სია:

  • გიორგი გახარია;
  • არჩილ თალაკვაძე;
  • ირაკლი კობახიძე;
  • თეა წულუკიანი;
  • მამუკა მდინარაძე;
  • კახა კუჭავა;
  • გიორგი კახიანი;
  • მარიამ ქვრივიშვილი;
  • მიხეილ სარჯველაძე;
  • მაია ბითაძე;
  • მიხეილ დაოშვილი;
  • გიორგი ამილახვარი;
  • ვიქტორ სანიკიძე;
  • მაკა ბოჭორიშვილი;
  • შალვა პაპუაშვილი;
  • დავით კაჭარავა;
  • ნიკოლოზ სამხარაძე;
  • გიორგი ხელაშვილი;
  • მარიამ ლაშხი;
  • ბექა დავითულიანი.

ამავე თემაზე: