კალათბურთელი ვიქტორ სანიკიძე ქართული ოცნების პროპორციულ სიაშია. ის მე-13 ნომრად დასახელდა, როგორც ირაკლი კობახიძემ განმარტა, ამის მიზეზი ის არის, რომ სანიკიძე ეროვნულ ნაკრებშიც ამ ნომრით თამაშობდა.

"ვიქტორ სანიკიძე საქართველოს ნაკრების ღირსებას სამ ევროპის ჩემპიონატზე იცავდა. ვიქტორ სანიკიძე დეპუტატის რანგში განაგრძობს ზრუნვას ქართული სპორტის განვითარებასა და ახალგაზრდებში ჯანსაღი ცხოვრების წესის დამკვიდრებაზე", — განაცხადა ქართული ოცნების საარჩვენო შტაბის ხელმძღვანელმა და პარტიული სიის მესამე ნომერმა, ირაკლი კობახიძემ.

სანიკიძე ქართული ოცნების მაჟორიტარი დეპუტატების წარდგენასაც დაესწრო. კალათბურთელი მეგობრობს და ხშირად იღებს ტიკ-ტოკ ვიდეოებს ქართული ოცნების დამფუძნებლის შვილთან, ბერა ივანიშვილთან ერთად.

ქართული ოცნების განახლებულ პროპორციულ სიაში მოხვდნენ როგორც ძველი, ისე ახალი სახეები. მათ შორის პირველ ოცეულში ყოფილი სპორტსმენებიც არიან.

პრემიერობის კანდიდატი და სიის პირველი ნომერი გიორგი გახარიაა. მეორე ნომრად პარლამენტის მოქმედი თავმჯდომარე, არჩილ თალაკვაძე დაასახელს.

ნახეთ სრული სია:

  • გიორგი გახარია;
  • არჩილ თალაკვაძე;
  • ირაკლი კობახიძე;
  • თეა წულუკიანი;
  • მამუკა მდინარაძე;
  • კახა კუჭავა;
  • გიორგი კახიანი;
  • მარიამ ქვრივიშვილი;
  • მიხეილ სარჯველაძე;
  • მაია ბითაძე;
  • მიხეილ დაოშვილი;
  • გიორგი ამილახვარი;
  • ვიქტორ სანიკიძე;
  • მაკა ბოჭორიშვილი;
  • შალვა პაპუაშვილი;
  • დავით კაჭარავა;
  • ნიკოლოზ სამხარაძე;
  • გიორგი ხელაშვილი;
  • მარიამ ლაშხი;
  • ბექა დავითულიანი.

ამავე თემაზე: