ქართული ოცნების ერთ-ერთი ლიდერი და პროპორციული სიის მესამე ნომერი, ირაკლი კობახიძე ამბობს, რომ სიაში სპორტსმენები ვიქტორ სანიკიძე და დავით კაჭარავა იმავე პრინციპებით შეირჩნენ, როგორც გუნდის სხვა წევრები. ამის შესახებ მან ჟურნალისტებთან განაცხადა.

"ისინი ზუსტად იგივე კრიტერიუმებით შეირჩნენ როგორც გუნდის სხვა წევრები — პატრიოტიზმი და პროფესიონალიზმი. ორივე მათგანს სწორედ ეს გამოარჩევდა. ისინი იყვნენ თავიანთი საქმისა და ქვეყნის ერთგულნი. ისინი ახლა პარლამენტარების რანგში განაგრძობდნენ იმ საქმეს, რომელსაც აკეთებდნენ, როგორ სპორტსმენები", — აღნიშნა კობახიძემ.

ქართული ოცნების განახლებულ პროპორციულ სიაში მოხვდნენ როგორც ძველი, ისე ახალი სახეები. მათ შორის პირველ ოცეულში ყოფილი სპორტსმენებიც არიან.

პრემიერობის კანდიდატი და სიის პირველი ნომერი გიორგი გახარიაა. მეორე ნომრად პარლამენტის მოქმედი თავმჯდომარე, არჩილ თალაკვაძე დაასახელს.

ნახეთ სრული სია:

  1. გიორგი გახარია;
  2. არჩილ თალაკვაძე;
  3. ირაკლი კობახიძე;
  4. თეა წულუკიანი;
  5. მამუკა მდინარაძე;
  6. კახა კუჭავა;
  7. გიორგი კახიანი;
  8. მარიამ ქვრივიშვილი;
  9. მიხეილ სარჯველაძე;
  10. მაია ბითაძე;
  11. მიხეილ დაოშვილი;
  12. გიორგი ამილახვარი;
  13. ვიქტორ სანიკიძე;
  14. მაკა ბოჭორიშვილი;
  15. შალვა პაპუაშვილი;
  16. დავით კაჭარავა;
  17. ნიკოლოზ სამხარაძე;
  18. გიორგი ხელაშვილი;
  19. მარიამ ლაშხი;
  20. ბექა დავითულიანი.

ამავე თემაზე: