მმართველი გუნდის მოქმედი დეპუტატი ნუკრი ქანთარია ქართული ოცნების საარჩევნო სიაში არ იქნება. TV პირველის მიერ გავრცელებული ინფორმაცია მან On.ge-ს დაუდასტურა. TV პირველის ინფორმაციით, ქართული ოცნების საარჩევნო სიაში გუნდის 40-მდე წევრი ვერ მოხვდა, მათ შორის, პარლამენტის დეპუტატებიც.

ნუკრი ქანთრიამ On.ge-ს უთხრა, რომ ეს სიმართლეა და იგი საარჩევნო სიაში არ იქნება, თუმცა გუნდში რჩება.

ამასთან, TV პირველის ინფორმაციით, ქართული ოცნების სიის ხუთეულში იქნებიან გიორგი გახარია, არჩილ თალაკვაძე, თეა წულუკიანი, ირაკლი ღარიბაშვილი.

ოფიციალურად ქართული ოცნება სიის ოცეულს 10 სექტემბერს წარადგენს. საქართველოში საპარლამენტო არჩევნები 31 ოქტომბერს გაიმართება.