საქართველოს ყოფილი პრეზიდენტის, მიხეილ სააკაშვილის განცხადებით, მათივე შერჩეულმა მართულმა მოსამართლეებმა მათივე პოლიტიკური დევნა დაიწყეს. ამის შესახებ ის ფეისბუქგვერდზე გამოქვეყნებულ პოსტში — "9 ნაბიჯი წარმატებისკენ" წერს, რომელიც, მათ შორის, სასამართლო რეფორმებსაც ეხება. ექსპრეზიდენტის თქმით, ეს მათთვის ჭკუისსასწავლებელი, მწარე გაკვეთილი იყო.

"სასამართლო რეფორმის ჩავარდნას მე, პირადად, ძალიან განვიცდი. გულწრფელად ვთქვათ, ჭკუის სასწავლებელი, მწარე გაკვეთილი მივიღეთ — ჩვენ მიერ შერჩეულმა მართულმა მოსამართლეებმა ჩვენივე პოლიტიკური დევნა დაიწყეს. სასამართლო რეფორმა უნდა ჩატარდეს ფართო პოლიტიკური კონსენსუსით, არა მხოლოდ მმართველი ძალის, უბრალოდ საპარლამენტო ურმავლესობის მიერ", — წერს სააკაშვილი.

მიხეილ სააკაშვილი აღნიშნულ პოსტში, ასევე, განიხილავს პოლიციის დეპოლიტიზირებას, იუსტიციის სამინისტროსგან სასჯელაღსრულების სამსახურის გამოყოფას, პროკურატურის ორ უწყებად გაყოფას, რომელთაგან ერთი ზოგადი იქნება, მეორე კი სამოხელეო საქმეთა პროკურატურა, სუსისა და ფინანსური პოლიციის გაუქმებას, ადამიანის უფლებების საპარლამენტო კომიტეტის თავმჯდომარის ოპოზიციიდან შერჩევას, მოსმენის გასაღების დამოუკიდებელ სასამართლოსა და სახალხო დამცველისთვის გადაცემასა და სასამართლო ექსპერტიზის ცენტრის ჩამოყალიბებას.