შინაგან საქმეთა მინისტრმა გიორგი მღებრიშვილმა ჟურნალისტებთან საუბრისას სამინისტროში კადრების შემცირებაზე ისაუბრა და განაცხადა, რომ სამსახურიდან გათავისუფლდებიან ის ადამიანები, რომლებიც "ბალასტს" წარმოადგენენ უწყებისთვის:

"რესტრუქტურიზაცია დავიწყეთ შინაგან საქმეთა სამინისტროში, ისევე როგორც სხვა სამინისტროებში. ვნახოთ, ჯერჯერობით წინასწარ ამაზე საუბარი არ მინდა, მაგრამ ის ადამიანები, რომლებიც ბალასტი არიან სამინისტროში, აუცილებლად გათავისუფლდებიან დაკავებული თანამდებობიდან, თუ ასეთები იქნებიან. ასევე, ის ადამიანები, რომლებიც ვერ დაეწევიან იმ განვითარების ტემპს, რომელსაც ჩვენ ვთავაზობთ".