თბილისის საქალაქო სასამართლომ მაია და გუკა რჩეულიშვილები პატიმრობაში დატოვა. გადაწყვეტილება რამდენიმე წუთის წინ სხდომაზე გამოაცხადეს.

დღეს, 21 დეკემბერს, სასამართლოში ადვოკატმა ცენტრ პოინტის დამფუძნებლის, მაია რჩეულიშვილის წინასწარი პატიმრობიდან გათავისუფლების საკითხი დააყენა. მისი თქმით, ამის მიზეზი რჩეულიშვილის ჯანმრთელობის გაუარესებაა. გურამ რჩეულიშვილის ადვოკატი კი, წინა პროცესზე დაკითხული ექსპერტის ჩვენებიდან გამომდინარე ითხოვდა.

ცენტრ პოინტის დამფუძნებელს თბილისის საქალაქო სასამართლომ რამდენიმე თვის წინ აღკვეთის ღონისძიების სახით პატიმრობა შეუფარდა. პროკურატურა რჩეულიშვილს თანხის გაფლანგვას ედავება. სასამართლოს ჯერ განაჩენი არ გამოუტანია.