თბილისის საქალაქო სასამართლომ კონსტიტუციური დეპარტამენტის ყოფილი ხელმძღვანელი დათა ახალაია ე.წ. ნავთლუღის სპეცოპერაციის საქმეზე დამნაშავედ ცნო განზრახ მკვლელობის მუხლში, ხოლო უფლებამოსილების გადამეტების მუხლით გაამართლა. სასამართლო პროცესი დღეს, 21 დეკემბერს შედგა.

თავდაპირველად, დავით ახალაიას 16 წლით თავისუფლების აღკვეთა შეეფარდა. ამნისტიის შედეგად კი სასჯელს ¼ მოაკლდა და საბოლოოდ მას 12 წლით თავისუფლების აღკვეთა განესაზღვრა.

რაც შეეხება კუდ-ის ყოფილ მაღალჩინოსანს გიორგი დგებუაძეს, იგივე "მასტერას", სასამართლომ ნავთლუღის სპეცოპერაციის საქმეში ისიც დამნაშავედ ცნო 25/109 მუხლით, რაც განზრახ მკვლელობაში დახმარებას გულისხმობს.

გიორგი დგებუაძეს ამნისტიის შესახებ კანონის გათვალისწინებით, 9 წლით თავისუფლების აღკვეთა განესაზღვრა. მისი ექსტრადირება ჰოლანდიიდან საქართველოში 2016 წლის მარტში განხორციელდა.