დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

მას შემდეგ, რაც აჭარის მაუწყებლის თანამშრომელს კორონავირუსი დაუდასტურდა, საინფორმაციო სამსახური მუშაობას დროებით შეწყვეტს. ამის შესახებ აჭარის ტელევიზიის დირექტორის მოადგილემ, ვახო ხუზმიაშვილმა რუსთავი 2-ს განუცხადა.

მისივე თქმით, ამ წუთებში ტელევიზიაში მხოლოდ ორი ადამიანი მუშაობს, რათა მაუწყებლობა არ შეწყდეს.

"ვერ დავაყენებთ ვერც საკუთარი თანამშრომლებს და ვერ საზოგადოებას რისკის ქვეშ, აქედან გამომდინარე ჯერჯერობით საინფორმაციო გამოშვებები ეთერში ვერ გავა. მოხდება საზოგადოებრივი მაუწყებლის საინფორმაციოს, მოამბის ტრანსლირება", — განაცხადა მან.

მისივე თქმით, საინფორმაციო სამსახური მუშაობას მას შემდეგ აღადგენს, რაც სპეციალისტები მუშაობის განახლების რეკომენდაციას გასცემს.

გუშინ, 4 სექტემბერს ცნობილი გახდა, რომ აჭარის მაუწყებლის ერთ თანამშრომელს კორონავირუსი დაუდასტურდა. გავრცელებული ინფოემაციით, ინფიცირებული ჟურნალისტი არაა.

5 სექტემბრის მონაცემებით, სულ კორონავირუსის 1 621 დადასტურებული შემთხვევაა, ამათგან 1 302 უკვე გამოჯანმრთელდა, 19 კი გარდაიცვალა.

StopCov-ის ვებგვერდის თანახმად, კარანტინის რეჟიმში იმყოფება 6 144, სტაციონარში მეთვალყურეობის ქვეშ კი — 292.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: