2020 წლის არჩევნებისთვის პარტიების რეგისტრაციის პროცესი დასრულდა. ამის შესახებ ინფორმაციას ცენტრალური საარჩევნო კომისია ავრცელებს. მათი ცნობით, არჩევნებზე 66 პარტია დარეგისტრირდა.

ცესკო იუწყება, რომ პარტიებისთვის შემდეგი ეტაპი მოიცავს პარტიული სიების წარდგენას, რომელსაც პარტია თუ საარჩევნო ბლოკი ცესკოს თავმჯდომარეს წარუდგენს, შესაბამისად, პარტიული სიების შემოწმებისა და შემდეგ უკვე აღნიშნული პარტიული სიის რეგისტრაციის პროცესი იწყება.

რაც შეეხება მაჟორიტარი დეპუტატობის კანდიდატებს, ცესკოს ცნობით, პარტია თუ საარჩევნო ბლოკი თითოეულ საარჩევნო ოლქში საქართველოს პარლამენტის წევრობის თითო კანდიდატს 1 ოქტომბრამდე წარადგენს.