თბილისი ენერჯის განცხადებით, ფილარმონიის მიმდებარე ტერიტორიაზე მომხდარი აფეთქება ბუნებრივ აირს არ გამოუწვევია. მათი ცნობით, ფართი სადაც აფეთქება მოხდა, თბილისი ენერჯის აბონენტად არ არის რეგისტრირებული და გაზი საერთოდ არ მიეწოდება.

ამ ეტაპზე შემთხვევის ადგილზე მიმდინარეობს საგამოძიებო მოქმედებები.

სასწრაფო სამედიცინო დახმარების პრესსამსახურის ინფორმაციით, ფილარმონიაზე აფეთქების შედეგად ერთი ადამიანი ადგილზევე გარდაიცვალა, სამი დაშავებული კი ალადაშვილის, ხეჩინაშვილისა და რესპუბლიკურ საავადმყოფოებში გადაიყვანეს.

საგანგებო სიტუაციების მართვის სამსახურის განცხადებით, პირველადი ინფორმაციით, მუშები აწარმოებდნენ სამუშაოებს და ჟანგბადის ბალონი აუფეთქდათ.