20 დეკემბერს, თბილისში, თავისუფლების მოედანზე მოქალაქეები შეიკრიბნენ. ისინი სირიელ მოსახლეობას მხარდაჭერას უცხადებდნენ.

"თუ ომს უჭერ მხარს, საკუთარი შვილები გაგზავნე!"

"საქართველო ალეპოსთვის!"

ფოტო: On.ge / თორნიკე მანდარია

აქციის ერთ-ერთმა მონაწილემ, სალომე კვარაცხელიამ On.ge-ს უთხრა, რომ აქციაზე იმისთვის მოვიდა, რომ რიგითი მოქალაქის აზრი დაეფიქსირებინა და მხარდაჭერა გამოეხატა სირიელი ხალხის მიმართ:

"აუცილებლად უნდა გამოხატოს ჩვენმა მთავრობამ კონკრეტული დამოკიდებულება და აზრი, რომ არ ეთანხმება იმ პროცესებს, რაც სირიაში მიმდინარეობს. ერთ-ერთი მოთხოვნა, რომელიც ყველაზე მეტად მომწონს არის, რომ ახალი წლის განათებები რაღაც დროით გამოირთოს ქალაქში."

"არ მინდა, რომ ჩემი შვილი სულელი პოლიტიკოსების მსხვერპლი გახდეს."

"სირიისგან ძალიან შორის ვარ, თუმცა გულით თქვენთან ვარ და მესმის თვქვენი ტკივილი."

ფოტო: On.ge / თორნიკე მანდარია

შეკრებილთაგან ერთ-ერთი იყო ქეთი ტუღუშიც, რომელიც მიიჩნევს, რომ ადამიანებს, სირიაში, მხარდაჭერა სჭირდებათ:

"ჩემთვის არ არის სულ ერთი, რომ ასეთი სასტიკი ომია და უდანაშაულო ხალხი, განსაკუთრებით ბავშვები ეწირებიან "ტერორიზმთან ბრძოლას". დაარქმევ ტერორიზმთან ბრძოლას და მერე შეგიძლია მიწასთან გაასწორო ქალაქი. არ შეიძლება ეგრე. ყველაზე მთავარი, რატომაც ვდგავარ აქ არის ის, რომ, ვფიქრობ, ხალხს სჭირდება მხარდაჭერა. მთვარობას ვთხოვთ, რომ გაუწიონ ჰუმანიტარული დახმარება და მოგვცენ საშუალება, გაუკეთონ ორგანიზება რესურსებს, რომ დავეხმაროთ სირიელებს."

შეკრებილებმა საქართველოს პრეზიდენტსა და მთავრობას სთხოვეს:

  • სახელწიფოს სახელით გაკეთდეს სამძიმრის განცხადება.

ფოტო: On.ge / თორნიკე მანდარია

  • შეიქმნას ერთიანი ბაზა, სადაც შეძლებს გაერთიანებას ნებისმიერი სახელმწიფო სტრუქტურა, არასამთავრობო ორგანიზაცია ან მოქალაქე, სადაც შეგროვდება ინფორმაცია პირველად საჭიროებებზე და შეძლებისდაგვარად მოხდება კონფლიქტის ზონაში დაზარალებულთათვის აუცილებელი ჰუმანიტარული დახმარების მობილიზება.

ფოტო: On.ge / თორნიკე მანდარია

  • დროებით, გლოვის ნიშნად ჩაქრეს საახალწლო განათებები ქალაქებში.

ფოტო: On.ge / თორნიკე მანდარია

  • საქართველოს მთავრობამ მოითხოვოს საბრძოლო მოქმედებების დროებით შეჩერება, რომ შესაძლებელი გახდეს მოსახლეობის გამოყვანა ყველა ცხელი წერტილიდან. ე.წ. ჰუმანიტარული კორიდორი.

ფოტო: On.ge / თორნიკე მანდარია