დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორის, მარინა ეზუგბაიას ცნობით, 3 სექტემბერს დადასტურებული 20 ახალი შემთხვევიდან 8 პაციენტი არის დადასტურებულ პირთან კონტაქტი, 1 — სამედიცინო პერსონალი, 7 შემთხვევა შემოტანილია, რომელთაგან 4 სატვირთოს მძღოლია, ხოლო 4 პაციენტზე მიმდინარეობს ეპიდკვლევა წყაროს დადგენის მიზნით.

ეზუგბაიას განცხადებით, სამედიცინო პერსონალი, რომელსაც კორონავირუსი დაუდასტურდა რუსთავის ავერსის კლინიკის თანამშრომელია. მისივე თქმით, ბათუმში, დონას საკონდიტროში 600 სინჯი აიღეს და მათგან კორონავირუსის მხოლოდ ერთი შემთხვევა დადასტურდა.

2 სექტემბერს ჩაქვის სასტუმრო ოაზისში 806 ბიოლოგიური სინჯი აიღეს, ბათუმში — 1 762. მათი შედეგები კი დღეს გახდება ცნობილი.

2 სექტემბერს დადასტურებული 38 ახალ შემთხვევიდან, 22 დონას თანამშრომელს აღმოაჩნდა. რაც შეეხება, ჩაქვის სასტუმრო ოაზისს, იქ კორონავირუსი ერთ პირს დაუდასტურდა. აღნიშნულ სასტუმროში ოთხასამდე ექიმი იმყოფება, აქედან გამომდინარე, მიიღეს გადაწყვეტილება, რომ ამ ეტაპზე სასტუმრო ჩაიკეტოს.

3 სექტემბრის მონაცემებით, საქართველოში კორონავირუსის 20 ახალი შემთხვევა გამოვლინდა, გამოჯანმრთელებულთა რიცხვი კი 9-ით გაიზარდა. მონაცემები StopCov-ზე განახლდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 568-მდე გაიზარდა, გამოჯანმრთელებულია 1 279 ადამიანი, გარდაცვლილი კი — 19. კარანტინის რეჟიმში რჩება 6 185 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: