საქართველოს პარლამენტში აცხადებენ, რომ საკანონმდებლო ორგანოს თავმჯდომარეს, არჩილ თალაკვაძეს კორონავირუსი განმეორებითი ტესტირებითაც არ დაუდასტურდა. პრესსამსახურის ინფორმაციით, შესაბამისად, პარლამენტის თავმჯდომარე 12-დღიანი თვითიზოლაციის ამოწურვისთანავე, აქტიურ საპარლამენტო საქმიანობასა და საარჩევნო კამპანიას დაუბრუნდება.

"განმეორებითი ტესტირების შედეგად, კოვიდინფექცია არჩილ თალაკვაძის ოჯახის წევრებსაც არ დაუდასტურდა", — აცხადებენ პარლამენტში.

არჩილ თალაკვაძე თვითიზოლაციაში მას შემდეგ გადავიდა, რაც მისი დაცვის წევრს კორონავირუსი დაუდგინდა.

პარლამენტის პრესსამსახურში მაშინ აცხადებდნენ, რომ უსაფრთხოების პროტოკოლის თანახმად, სხვა პირებთან ერთად, პარლამენტის თავმჯდომარეს და მისი ოჯახის წევრებსაც ჩაუტარდათ PCR ტესტირება, რაზეც პასუხი უარყოფითი იყო.