აჭარის ავტონომიური რესპუბლიკის თავმჯდომარემ, თორნიკე რიჟვაძემ განაცხადა, რომ ბათუმის კაფე-ბარებში მონიტორინგი გამკაცრდება, თუმცა მნიშვნელოვანი შემზღუდავი ღონისძიებები ქალაქში არ დაწესდება.

"ეპიდემიოლოგებმა ბოლო დღებში განახორციელეს ინტენსიური სამუშაოები. დადგენილია ყველა კონტაქტი. ათეულობით ტესტი უკვე ჩატარდა და სიტუაცია არის მართვადი, თუმცა არის საყურადღებო", — განაცხადა რიჟვაძემ.

აჭარის ავტონომიური რესპუბლიკის თავმჯდომარის ინფორმაციით, ტესტირებები ბათუმში უფრო ინტენსიური გახდება. ასევე, ბათუმის ბულვარში დაემატა ერთი კარავი, სადაც მოქალაქეები უფასოდ შეძლებენ ტესტირებას.