ეკონომიკის მინისტრის, ნათია თურნავას თქმით, გაისად ქვეყანას პოზიტიური ეკონომიკური დინამიკა ექნება. მან ამის შესახებ ეკონომიკის და მდგრადი განვითარების სამინისტროში ბრიფინგზე განაცხადა.

"აპრილში გვქონდა -16,6 პროცენტი, მაისში გვქონდა -13,5 პროცენტი, ივნისში -7,7 პროცენტი, ივლისში -5,5 პროცენტი. სამჯერ გაუმჯობესდა და გაჯანსაღდა ჩვენი ეკონომიკა, რაც გვაძლევს იმედს, რომ როგორც ჩაფიქრებული გვაქვს, გაისად ჩვენ გვექნება საკმაოდ მნიშვნელოვანი პოზიტიური დინამიკა", — განაცხადა თურნავამ.

საქსტატის წინასწარი შეფასებით, ივლისში საქართველოს ეკონომიკა 5,5 პროცენტით შემცირდა.

საქსტატის ინფორმაციით, 2020 წლის ივლისში, წინა წლის შესაბამის პერიოდთან შედარებით, კლების ტენდენცია გამოვლინდა თითქმის ყველა დარგში, სამთომოპოვებითი და დამამუშავებელი მრეწველობის დარგების გარდა.