“შეწყვიტეთ ჟრიალი და ლარს უშველეთ” - ამ სახელით აქცია მთვარობის კანცელარიასთან 5 საათზე გაიმართა. აქციის ორგანიზატორი პლატფორმა “დაიცავი თავისუფლებაა”.

როგორც “ტაბულა” წერს, აქციაზე შეკრებილმა მოქალაქეებმა მთავრობის კანცელარიასთან, ორგანიზატორების მიერ დადგუმილი ნაძვის ხე, საქართველოს ყოფილი პრემიერ-მინისტრის, ბიძინა ივანიშვილის გამოსახულებიანი “დოლარებით” მორთეს.

აქციის ორგანიზატორები მიიჩნევენ, რომ მთავრობა ეროვნული ვალუტის გაუფასურების შესაჩერებლად ქმედით ნაბიჯებს არ დგამს.

“ეროვნული ვალუტის გაუფასურების შესაჩერებლად სახელმწიფოსგან სწრაფ და ერთადერთ გონივრულ მოქმედებას - ხარჯების მკვეთრ შემცირებას და გადასახადების არათუ გაზრდას, არამედ შემცირებას მოვითხოვთ.

შეწყვიტეთ ჟრიალი, მოიჭირეთ ქამრები, დაწიეთ გადასახადები”, - მიმართავდნენ აქციის დაანონსებისას ორგანიზატორები მთავრობას.