თბილისში გერმანიის საელჩოს წინ საქართველოს სახელმწიფო დროშა დაეშვა. მათ მიერ გავრცელებული განცხადების მიხედვით, ისინი თანადგომას უცხადებენ ქართველ ხალხს და შატილში დაღუპულებს გლოვობენ.

"ჩვენ ვგვლოვობთ ხევსურეთში ავტოსაგზაო შემთხვევის დროს დაღუპულთა გამო. დღეს ჩვენი ფიქრები მათ ოჯახებთან და მეგობრებთან არის. დაშავებულებს ვუსურვებთ მალე გამოჯანმრთელებას. ჩვენი თანადგომის ნიშნად დროშები გერმანიის საელჩოს წინ დაშვებულია", — ნათქვამია განცხადებაში.

ავტოსაგზაო შემთხვევა დუშეთის მუნიციპალიტეტში, სოფელ ბისოს სიახლოვეს, შატილის გზაზე მოხდა. სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ითვალისწინებს.

საქართველოს მთავრობის განკარგულებით, 25 აგვისტო გლოვის დღედაა გამოცხადებული, სახელმწიფო დროშები დაშვებულია ყველა ადმინისტრაციულ შენობაზე.