საქართველოს იუსტიციის სამინისტრო, გიორგი შაქარაშვილის საქმის ადვოკატებს, სადაც ისინი მცხეთის რაიონულ სასამართლოში ინვენტარს, კერძოდ მაგიდასა და დენის წყაროს ითხოვენ, პასუხობს, რომ ეს მათი კომპეტენცია არ არის. ადვოკატებმა, 21 აგვისტოს განაცხადეს, რომ არსებული პირობების გამო, ბრალდებულების სრულყოფილად დაცვაში ხელი ეშლებათ. იუსტიციის სამინისტროს განმარტებით, სასამართლოში მიმდინარე ყველა პროცესი, მათ შორის, ინფრასტრუქტურის საკითხები, შენობების მაგიდებითა და სკამებით აღჭურვა და კომპიუტერებით პროცესის მონაწილე მხარეების უზრუნველყოფა საქართველოს იუსტიციის სამინისტროსა და იუსტიციის მინისტრის კომპეტენციაში არ შედის.

''იუსტიციის სამინისტრო ადვოკატის მიერ გაკეთებული ამ განცხადებით გაოცებულია. სამინისტრო დარწმუნებულია, რომ სასამართლო წარმოადგენს იუსტიციის სამინისტროსა და აღმასრულებელი ხელისუფლებისაგან სრულიად დამოუკიდებელ შტოს, განმარტებას არ საჭიროებს საქართველოს ნებისმიერი მოქალაქისათვის, არა თუ ადვოკატებისათვის. იუსტიციის სამინისტრო გამოთქვამს იმედს, რომ როსტომ კერესელიძის განცხადების მიზანი არ არის საზოგადოების შეცდომაში შეყვანა იუსტიციის სამინისტროსა და იუსტიციის მინისტრის კომპეტენციის შესახებ'', — აცხადებენ უწყებაში.

მცხეთის საქალაქო სასამართლოში გიორგი შაქარაშვილის საქმეზე მიმდინარე სასამართლო პროცესისას, ადვოკატმა როსტომ კერესელიძემ განაცხადა, რომ სასამართლოში ადვოკატებს სამუშაო პირებები არ აქვთ.