შერიგებისა და სამოქალაქო თანასწორობის საკითხებში სახელმწიფო სამინისტრო ეხმიანება ოკუპირებული ცხინვალის ე.წ. სასამართლოს გადაწყვეტილებას ხვიჩა მღებრიშვილის საქმის შესახებ. სამინისტროს განცხადებით, ამგვარი ქმედებები ცალსახად ხელს უშლის სტაბილურობის განმტკიცებასა და მშვიდობას.

"ჩვენ გავაგრძელებთ მუშაობას საერთაშორისო ჩართულობით, როგორც ხვიჩა მღებრიშვილის, ასევე, სხვა ჩვენი უკანონოდ დაკავებული მოქალაქეების დაუყოვნებელი და უპირობო გათავისუფლების მიზნით", — აცხადებენ სამინისტროში

ოკუპირებული ცხინვალის ე.წ. სასამართლომ ხვიჩა მღებრიშვილს სამთვიანი პატიმრობა შეუფარდა. დე ფაქტო პროკურატურა მღებრიშვილს ე.წ. საზღვრის უკანონო კვეთასა და ცხინვალის რეგიონიდან ღამურების გატანის მცდელობას ედავებოდა.