ევროპული საქართველოს საარჩევნო შტაბის ხელძღვანელი სერგი კაპანაძე აცხადებს, რომ რუსეთში პანდემიის მასშტაბების გათვალისწინებით, ფრენების აღდგენა იქნება სრულიად არასწორი. ასე გამოეხმაურა ის რუსეთის საგარეო საქმეთა მინისტრის, სერგეი ლავროვის განცხადებას ფრენების სავარაუდო აღდგენის შესახებ.

კაპანაძის თქმით, მთავარი არის ის, რომ მთავრობამ ინტენსიური ავიამიმოსვლა იმ ქვეყნებთან დაიწყოს, რომლებიც ე.წ მწვანე ქვეყნების სიაში არიან. ამავდროულად, როგორც სერგი კაპანაძე ამბობს, მნიშვნელოვანია, მთავრობამ ისეთ ავიახაზებს მისცეს ფრენის საშუალება, რომლებიც იაფ ავიაბილეთებს ყიდიან.

რუსეთის საგარეო საქმეთა მინისტრმა საქართველოსთან ავიამიმოსვლოს განახლების შესახებ დღეს ისაუბრა და განაცხადა, რომ ეს უახლოესი მომავლის საკითხია. რაც შეეხება საქართველოს ოფიციალურ პოზიციას, პრემიერმინისტრის მრჩევლის, ზურა აბაშიძს განცხადებით, ფრენების შეწყვეტა რუსეთის გადაწყვეტილება იყო და აღდგენაც მათზეა დამოკიდებული.

რუსეთმა საქართველოს ე.წ. ტურისტული ემბარგო 8 ივლისიდან, 20 ივნისის მოვლენების შემდეგ დაუწესა. ამ დღეს საქართველოში მოქალაქეების პროტესტი საქართველოში რუსი დეპუტატების ჩამოსვლას მოჰყვა