შუახევის მუნიციპალიტეტის სოფელ ჩანჩხალოში ფოსტალიონს ორი პირი თავს დაესხა, ფიზიკურად გაუსწორდნენ, პენსიონერებისთვის გადასაცემი თანხა გასტაცეს და ადგილიდან მიიმალნენ. ამის შესახებ ინფორმაციას შინაგან საქმეთა სამინისტრო ავრცელებს.

დაშავებული პირი საავადმყოფოშია გადაყვანილი და მის სიცოცხლეს საფრთხე არ ემუქრება.

შსს-ს ცნობით ორივე პირი დაკავებულია და საქმეზე გამოძიება საქართველოს სისხლის სამართლის კოდექსის 179-ე მუხლის მეორე ნაწილის "ბ" ქვეპუნქტით მიმდინარეობს, რაც ჯგუფურად ჩადენილ ყაჩაღობას გულისხმობს.