ლია მუხაშავრია დავით ჭიჭინაძის პარტიას შეუერთდა. იურისტის განცხადებით, "ტრიბუნა არის ის ადგილი, სადაც მივაღწევთ, რომ ადამიანებს დარღვეული უფლებების აღდგენის პერსპექტივა გავუჩინოთ".

მუხაშავრიამ წარდგენისას ასევე აღნიშნა, რომ დაუშვებელია ქვეყანაში გამუდმებით ირღვეოდეს ადამიანების უფლებები და არ მოქმედებდეს იმ წესებისა და კანონების ერთობლიობა, რომელიც ამ დარღვეულ უფლებებს აღადგენდა, კანონს აღასრულებდა და სამართალს თავის სიმაღლეზე დააყენებდა.

"30 წელია ვიბრძვი ადამიანების უფლებებისთვის და ძირითადად საქართველოს საზღვრებს გარეთ. საქართველოში კი, ჯერ "ნაციონალების" ცხრა წლის და შემდეგ "ოცნების" რვა წლიანი მმართველობის პირობებში, არცერთხელ არ მიეცათ ამ უფლებების აღდგენის შანსი. ამის გარეშე კი, არათუ მომავალი ვერ გვექნება წარმატებული, საერთოდ საუბარიც არ იქნება მომავალზე.“ - აცხადებს ლია მუხაშავრია.