მართალია, კარანტინის თუ მის შემდგომ პერიოდში არაერთი ცნობილი მუსიკოსი გვანებივრებდა დისტანციური კონცერტებითა და მუსიკალური შესრულებით, თუმცა, უნდა ვაღიაროთ, რომ მათთვის, ვისაც ღია თუ დახურულ სივრცეში სხვა ნაცნობ და უცნობ მსმენელებთან ერთად უყვართ ცოცხალი მუსიკის მოსმენა, ეს უსაფრთხო მეთოდი ბოლომდე ვერ ჩაანაცვლებდა იმას, რასაც კონცერტზე დასწრება ჰქვია.

ამის გამოსასწორებლად ინგლისში, ნიუკასლში კონცერტი გაიმართა, რომლის ორგანიზატორებიც ამ ღონისძიებას "ფიზიკური დისტანციის დაცვით ჩატარებულ პირველ ხალხმრავალ კონცერტს" უწოდებენ.

ვნახოთ, როგორ გაიმართა პირველი მუსიკალური ღონისძიება პანდემიის პირობებში, რომელსაც მსმენელები არა სახლებიდან, არამედ ტრადიციულად სცენის წინ ესწრებოდნენ:

კონცერტის მთავარი შემსრულებელი ახალგაზრდა მომღერალი სემ ფენდერი იყო

ფოტო: Associated Press

როგორც ნამდვილ კონცერტს შეეფერება, მსმენელები ლუდს სვამდნენ... თუმცა ამავდროულად პირბადეები ეკეთათ

ფოტო: Associated Press

პირბადე ამ ღონისძიების აუცილებელი ატრიბუტი იყო

ფოტო: AP

მსგავს კონცერტებზე ხალხმრავლობისას ზედმეტი გადატვირთულობა და ზოგიერთი მსმენელის უხეში ქცევები გაწუხებდათ? ახალ რეალობაში მაგაზე არ უნდა იდარდოთ, რადგან უსაფრთხოების წესების დაცვით გამართული კონცერტი ასე გამოიყურება

ფოტო: AP

არა, ეს არ არის კადრი Black Mirror-ის ახალი ეპიზოდიდან

ფოტო: AP

როგორც ხედავთ, ყველა მსმენელს შემოსაზღვრული, ერთგვარი ინდივიდუალური პლატფორმა ჰქონდა

ფოტო: Owen Humphreys / AP

ამ კონცერტზე სულ ასეთი 500 პლატფორმა იყო

ფოტო: AP

და თითოეულში მაქსიმუმ ხუთ ადამიანს შეეძლო ყოფნა

ფოტო: AP

ერთი შეხედვით, ეს გარემო მოულოდნელი სოციალური ურთიერთობებისგან და ჩვეული შეგრძნებებისგან დაცლილი ჩანს, თუმცა იქ დამსწრე ბევრი მსმენელი ნამდვილად არ იყო უკმაყოფილო

ფოტო: AP

ერთი შეხედვით, შეიძლება იდეალური კონცერტიც კი იყო: გაოფლილი უცხოები არ გეხებიან, მთვრალი მსმენელები არ გაწუხებენ და ყურშიც არავინ ჩაგღიღინებს ხმამაღლა

ფოტო: AP

ეს ნამდვილად არ არის ის, რასაც მიჩვეულები ვართ, მაგრამ ვიღაცები ასეც ნამდვილად ძალიან გაერთნენ