ქართველოს პარლამენტის თავმჯდომარე, არჩილ თალაკვაძე მიხეილ სააკაშვილის განცხადებას ეხმიანება და აღნიშნავს, რომ იგი ოპოზიციის თავის ტკივილია და "მომავალზე ორიენტირებული" ხელისუფლებისთვის, ამ ეტაპზე, მნიშვნელოვანი არ არის.

მისი განცახდებით, ექსპრეზიდენტი უკანონოდ ერევა ქვეყნის შიდა პოლიტიკაში და სხვა პარტიებიც გრძნობენ, რომ "რეალურად, იგი ოპოზიციის საქმიანობებს ხელს უშლის".

"როგორც ჩანს, მიხეილ სააკაშვილს სჭირდება სამი "არა", რომ დატოვოს ნიჭიერი პოლიტიკოსების კონკურსი. მას ორი არა უკვე აქვს, 2012 და 2016 წლის არჩევნებში, მესამე არას მიიღებს 2020 წლის საპარლამენტო არჩევნებში", — აცხადებს თალაკვაძე.

მისი თქმით, ხელისუფლების დღის წესრიგში ეკონომიკის აღდგენა, ახალი სამუშაო ადგილების შექმნა და ინფრასტრუქტურის განვითარება, ასევე, საზოგადოებისთვის სიმშვიდისა და უსფრთხოების შეთავაზება დგას, ამიტომ მიხეილ სააკაშვილი მათთვის "ნაკლებად საინტერესოა".

"ვფიქრობ, ჩვენს მეგობრებს [უკრაინას] ჩვენი სათქმელი გადავეცით და თვითონაც, როგორც ჩანს, უხერხულ მდგომარეობაში არიან იმის გამო, რომ სააკაშვილი ერევა საქართველოს შიდა პოლიტიკაში. თუმცა კიდევ ერთხელ ვამბობ, ეს საკუთარი პარტიისა და ოპოზიციის თავის ტკივილია. ჩვენ მომავალზე ვართ ორიენტირებული და მიხეილ სააკაშვილი დღეს არ არის ჩვენთვის მნიშვნელოვანი", — განაცხადა არჩილ თალაკვაძემ.

მიხეილ სააკაშვილმა TV პირველთან ინტერვიუში თქვა, რომ საარჩევნო კამპანიაში აქტიურად იქნება ჩართული.