ზუგდიდის რაიონულმა სასამართლომ სიგარეტის კონტრანანდაში ბრალდებული წალენჯიხის საკრებულოს თავმჯდომარეს აღკვეთის ღონისძიების სახით პატიმრობა შეუფარდა. იგივე ღონისძიება გამოიყენა მოსმართლემ საკრებულოს აპარატის უფროსის მიმართაც.

"გამოკითხივს ოქმში მან განაცხადა, ერთ-ერთმა ბრალდებულმა, რომ ეს სიგარეტები იყო საჩუქარი და შემდგომ სჭირდებოდა მოსახლეობისთვის დასარიგებლად, რაც, რა თქმა უნდა, ბრალდების მხარემ არ გაიზიარა, არ დაეთანხმა და შესაბამისად, მათ წაეყენეათ ბრალდება", — აცხადებს საქმის პროკურორი.

თემურ ღვინჯილიას დაკავების შესახებ ინფორმაცია 26 ივლისს გავრცელდა. ფინანსთა სამინისტროს საგამოძიებო სამსახურში ამბობენ, რომ საქმე ეხება ჯგუფურად, მარკირებას დაქვემდებარებული განსაკუთრებით დიდი ოდენობით აქციზური საქონლის, აქციზური მარკის გარეშე გადაზიდვის ფაქტს. უწყების ცნობითვე, ჩხრეკის შედეგად ამოღებულია 8 310 კოლოფი უაქციზო სიგარეტი, რომლის სავარაუდო ღირებულება 34 000 ლარს აღემატება.

გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით, რაც მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაციას ან გადაზიდვას გულისხმობს. დანაშაული სასჯელის სახით ითვალისწინებს თავისუფლების აღკვეთას ექვსიდან რვა წლამდე ვადით.