საბურთალოს ოლქში ლელო საქართველოსთვის მაჟორიტარობის კანდიდატი პარტიის გენერალური მდივანი, ბადრი ჯაფარიძე იქნება. ამის შესახებ მან ბრიფინგზე განაცხადა. მაჟორიტარობის სხვა კანდიდატებზე მას არ უსაუბრია.

"ეს გადაწყვეტილება მე მივიღე იმისთვის, რომ საბურთალოზე მაცხოვრებლებმა, რომლებიც ამდენი წელია განიცდიან გაჭირვებას, უპირისპირდებიან უამრავ პრობლემას, მათ ერთხელ და სამუდამოდ იგრძნონ, რომ მათი წარმომადგენელი პარლამენტში იქნება ადამიანი, რომელიც შეძლებს იზრუნოს, არა მხოლოდ საბურთალოს მაცხოვრებლებზე, არამედ მთელი ქვეყნის მასშტაბით პრობლემების გადაჭრაზე", — განაცხადა ჯაფარიძემ.

საბურთალოს ოლქში ქართულმა ოცნებამ კანდიდატად ჯანდაცვის ყოფილი მინისტრი, დავით სერგეენკო დაასახელა. ოპოზიციურ ერთობას აღნიშნულ ოლქში საერთო კანდიდატი ჯერ არ წარუდგენია.

ამასთან, განიხილება, რომ სამოქალაქო მოძრაობის ლიდერი, ალეკო ელისაშვილი სწორედ საბურთალოს ოლქში იყრის კენჭს.