ინდოეთმა არაგანახლებად ენერგიაზე დამოკიდებულების აღკვეთისკენ კიდევ ერთი ნაბიჯი გადადგა. ხელისუფლებამ, დღეს, ყველაზე დიდი ტენდერი გამოაცხადა სახურავებზე მზის ბატარეების განთავსებაზე. ინფორმაციას ამის შესახებ Mashable ავრცელებს.

სახელმწიფოს საკუთრებაში მყოფი ინდოეთის მზის ენერგიის კორპორაცია (SECI) გეგმავს, სახელმწიფო დაწესებულებების მომარაგების მიზნით განავითაროს 1 000 მეგა-ვატის სიმძლავრე ერთმანეთთან დაკავშირებული მზის ბატარეებისგან.

ტენდერი, მსგავსი სახის ტენდერებს შორის, ერთ-ერთი ყველაზე მასშტაბურია გლობალური მასშტაბით.

SECI-ს განცხადებით, მზის ბატარეების მიერ გენერირებული ზედმეტი ენერგია სახელმწიფო ელექტრო სისტემას შეუერთდება.

აღნიშნული ნაბიჯი სახელმწიფოს სტრატეგიის ნაწილია, რომლის მიხედვით, ინდოეთი 2022 წლისთვის, სახურავებზე 40 გიგა-ვატის მზის ბატარეები დამონტაჟდება.