საგარეო საქმეთა მინისტრი, დავით ზალკალიანი აშშ-ს სენატის მიერ 2021 წლის ეროვნული თავდაცვის ავტორიზაციის აქტის მიღებას ეხმაურება და აცხადებს, რომ დოკუმენტის საბოლოო ვერსიამ წერტილი დაუსვა სპეკულაციებს.

"სხვადასხვა შესწორებების გამოყენებას შეეცადნენ პოლიტიკური პარტიები, სხვადახვა პოლიტიკური ინტერესების გათვალისწინებით, მაგრამ საბოლოო ვერსიამ წერტილი დაუსვა სპეკულაციებს და მათ მცდელობებს, ვიწრო პარტიული ინტერესები შემოეტანათ საქართველო-აშშ-ს ურთიერთობაში. მინდა ყველა დავარწმუნო, რომ ასე იქნება მომავალშიც, რადგან აშშ- საქართველოს შორის სტრატეგიული პარტნიორობა შეუქცევადია", — ამბობს მინისტრი ჟურალისტებთან საუბრისას.

დავით ზალკალიანმა მადლობა გადაუხადა სენატორ რიშს, საკანონმდებლო აქტში მხარდაჭერის ასახვისთვის:

"ეს არის მხარდაჭერა საქართველოს სუვერენიტეტისა და ტერიოტირული მთლიანობის მიმართ, მხარდაჭრა ევროპული და ევროატლანტიკური ინტეგრაციის მიმართ, საქართველოს თავდაცვისა და უსაფრთხოების გაძლიერების მიმართ და მხარდაჭერა შავი ზღვის უსაფრთხოების გაძლიერების კუთხით. ეროვნული თავდაცვის ავტორიზაციის აქტის სენატის ვერსია არის უპირობო მხარდაჭერაა საქართველოს და საქართველოს როლის რეგიონში".

აშშ-ს სენატმა 2021 წლის ფისკალური წლის აშშ-ს თავდაცვის ავტორიზაციის კანონპროექტი დაამტკიცა. აქტში საუბარია რუსეთის აგრესიის შეჩერებაზე და ამ კონტექსტში გამოყოფილია შავი ზღვის უსაფრთხოების საკითხები. შავი ზღვის რეგიონში სამხედრო ბალანსისათვის საქართველოსა და უკრაინაზე ფოკუსის გაზრდაზეა ხაზი გასმული.

როგორც აქტში ვკითხულობთ, 2018 წლის ეროვნული თავდაცვის სტრატეგია ადასტურებს, რუსეთთან გრძელვადიანი სტრატეგიული კონკურენციის წარმოქმნა, როგორც თავდაცვის სამინისტროს მთავარ პრიორიტეტე, მუდმივ ინვესტიციებს მოითხოვს აშშ-ის უსაფრთხოების, კეთილდღეობის და პარტნიორობის გამო.