აშშ ვერასდროს შეეგუება რუსეთის შეტევას უკრაინისა და საქართველოს სუვერენიტეტსა და ტერიტორიულ მთლიანობზე — ამის შესახებ საუბარია აშშ-ის სახელმწიფო დეპარტამენტის მიერ უელსის დეკლარაციის ხელმოწერიდან 80 წლის თავთან დაკავშირებით გავრცელებულ განცხადებაში, რომელსაც ხელს სახელმწიფო მდივანი მაიკ პომპეო აწერს.

წერილში აღნიშნულია, რომ 80 წლის წინ შეერთებულმა შტატებმა მტკიცედ უარყო, ეღიარებინა საბჭოთა კავშირის მიერ ბალტიისპირეთის იძულებითი მიერთება და საბჭოთა კავშირმა ჩაიდინა დანაშაულებრივი აქტი, როდესაც ნაცისტურ გერმანიასთან ერთად, 1939 წელის აგვისტოში ხელი მოაწერა საიდუმლო პროტოკოლს, რომელიც ცნობილია როგორც მოლოტოვ-რიბენტროფის პაქტი. დოკუმენტის მიხედვითვე, ათწლეულების განმავლობაში საბჭოთა ოკუპაციისა და იძულებითი ასიმილაციის მიუხედავად, შეერთებული შტატები მუდმივად უჭერდა მხარს ბალტიისპირეთის ამ სამი ქვეყნის სუვერენიტეტს. ბალტიისპირეთის ქვეყნებზე საუბრისას სახელმწიფო დეპარტამენტი საქართველოსა და უკრაინასაც ახსენებს:

"შეერთებული შტატები არასოდეს აღიარებს საბჭოთა კავშირის მიერ ბალტიისპირეთის იძულებით მიერთებას, ისევე როგორც ვერასდროს შეეგუება რუსეთის შეტევას უკრაინისა და საქართველოს სუვერენიტეტსა და ტერიტორიულ მთლიანობზე, რომელსაც იგი ყირიმის ანექსიის, უკრაინის აღმოსავლეთში თავისი დესტაბილიზატორი მარიონეტების მხარდაჭერით ან აფხაზეთისა და სამხრეთ ოსეთის ოკუპაციით ცდილობს", — ნათქვამია სახელმწიფო დეპარტამენტის განცხადებაში.

უელსის დეკლარაცის ხელი 1940 წლის ივლისში მოეწერა, რომლითაც შეერთებული შტატები გმობდა 1940 წელს საბჭოთა კავშირის მიერ ბალტიისპირეთის სამი ქვეყნის: ესტონეთის, ლიტვისა და ლიეტუვის ოკუპაციასა და ანექსირებული ქვეყნების საბჭოთა რესპუბლიკებად აღიარებაზე უარს აცხადებდა.