BBC-ის რუსული სამსახურის ინფორმაციით, საქართველოში რუსეთის მოქალაქე, 23 წლის ივან კოჩეტკოვი დააკავეს, რომელსაც გამომძიებელ ევგენია შიშკინას მკვლელობის საქმესთან აკავშირებენ. შიშკინა 2018 წლის ოქტომბერში იარაღიდან მოკლეს.

ევგენია შიშკინას მკვლელობის შეკვეთის ბრალდებით თბილისში დააკავეს ყოფილი ჰაკერი იაროსლავ სუმბაევიც, რომელიც შემდგომში ქართულმა მხარემ რუსეთს გადასცა.

როგორც გამოცემა წერს, საერთაშორისო ძებნაში მყოფი ივან კოჩეტკოვის დაკავება დაუდასტურეს საქართველოს გენერალურ პროკურატურაში, თუმცა On.ge პასუხს კვლავ ელოდება.

BBC ესაუბრა კოჩეტკოვის ინტერესების დამცველს, ადვოკატ გიორგი კონდახაშვილს. როგორც მან თქვა, დაკავებული საუბარს არ აპირებს.

როდის დააკავეს კოჩეტკოვი გამოცემა არ უთხრეს, თუმცა ცნობილია, რომ იგი თბილისის ციხეში არაუგვიანეს 2020 წლის მაისამდე მოხვდა.

გამოძიების მტკიცებით, კოჩეტკოვი და კიდევ ერთი პირი, რომელსაც გამოძიება ეძებს, გამომძიებელ შიშკინას მკვლელობამდე უთვალთვალებდნენ. გამომძიებელი ქალი კი 2018 წელს მის სახლთან სტუდენტმა აბდულაზის აბდულაზიზობმა მოკლა, რომელიც სანქტ-პეტერბურგში დააკავეს. ამავე საქმეზე აყვანილია უფროსკლასელი კირილ გრუნსკი

BBC წერს, რომ კოჩეტკოვი, მისი ცოლი დარია და იაროსლავ სუმბაევი წარმოშობით ასტრახანიდან არიან. საქართველოში გადმოსვლამდე კოჩეტკოვი ცოლთან ერთად მოსკოვში ცხოვრობდა. როგორც რუსული გამოძიება ამტკიცებს, იგი შიშკინას არხანგელსკის ოლქში შიშკინას უთვალთვალებდა და სრულ ინფორმაციას სუმბაევს გადასცემდა, რომელიც უკვე თბილისში ცხოვრობდა.

გამოძიების მტკიცებით, სუმბაევმა შიშიკინას მკვლელობა "ბილეთების საქმეზე" შურისძიებისთვის შეუკვეთა. საქმის მასალების თანახმად, ჰაკერები სუმბაევის ხელმძღვანელობდით ტურისტული კომპანიების მეილებს ჰაკავდნენ და მათი სახელით თვითმფრინავებსა და მატარებლებზე ბილეთებს ყიდულობდნენ.