გორის მაჟორიტარმა დეპუტატმა, იოსებ მაკრახიძემ TV პირველის გადამღებ ჯგუფს სიტყვიერი შეურაცხყოფა მიაყენა. ტელეკომპანიამ ვიდეო გამოაქვეყნა, რომელშიც ისმის, რომ მაკრახიძე ჟურნალისტებს რუსულად აგინებს.

კითხვაზე, რატომ იგინება, დეპუტატმა ჟურნალისტს უპასუხა: "იმიტომა რა, რას იღებ მითხარი, რას იღებ".

ჟურნალისტმა დეპუტატს განუმარტა, რომ კითხვა ჰქონდა, რატომ აღარ წარადგინა ის ქართულმა ოცნებამ მაჟორიტარ დეპუტატად. მიზეზად მაკრახიძემ მისი ასაკი დაასახელა

"მეე? მე 75 წლის კაცი ვარ, გაიგე? როგორ შეიძლება ახალ კიდე ისე... მე 75 წლისა ვარ", — განაცხადა მან და აღნიშნა, რომ არც პარტიის პროპორციულ სიაში იქნება და ამის მიზეზიც ასაკია.