ანტიდასავლურმა ქართველმა აქტორებმა ტვიტერზე გადაინაცვლეს და უამრავი საეჭვო ანგარიში უკვე შექმნეს.

მას შემდეგ, რაც აშშ-ს რესპუბლიკური პარტიის წარმომადგენელმა ადამ კინზინგერმა საქართველოს ხელისუფლება დემოკრატიული ღირებულებების დაუცველობისთვის გააკრიტიკა, ტვიტერის საეჭვო ანგარიშებმა კონგრესმენი ქვეყნის საშინაო საქმეებში ჩარევაში დაადანაშაულა. ერთ-ერთი ანგარიში დიდი ალბათობით დაკავშირებულია ფეისბუქ გვერდთან, ანტილიბერალური დოქტრინა, რომელიც თავის მხრივ ანტი დასავლურ, ანტი ოპოზიციურ და პრორუსულ ნარატივს ავრცელებს.

DFRLab-მა აქამდე უკვე განიხილა საქართველოში არსებული რადიკალური მემარჯვენე და პროსახელისუფლებო აქტორების გავლენა ფეისბუქზე, რომელიც ქვეყანაში ყველაზე პოპულარული სოციალური ქსელია. როგორც ჩანს, აღნიშნული აქტორები სტრატეგიას აფართოებენ და ტვიტერზეც გადადიან. იმის მიუხედავად, რომ პლატფორმა საქართველოში მომხმარებლების ნაკლებობას განიცდის, ტვიტერს ქვეყნის საჯარო დისკურსში რელევანტურობა ეზრდება. საერთაშორისო საზოგადოება სწორედ მისი საშუალებით აკრიტიკებს საქართველოს ხელისუფლებას და დემოკრატიული ღირებულებების დაცვას მოუწოდებს. აღნიშნული ანტიდასავლური აქტორების სამიზნეს საქართველოს ნაცვლად საერთაშორისო აუდიტორია წარმოადგენს, რათა მსოფლიო ასპარეზზე საქართველოში მიმდინარე პროცესები დადებითად წარმოაჩინონ და შექმნან წარმოდგენა, თითქოს ოპოზიცია სიტუაციას ხელოვნურად აზვიადებს.

აღნიშნული ანგარიშების გამოჩენა, რომელთა ნაწილი აშკარად ყალბია, წინ უძღვის საქართველოს საპარლამენტო არჩევნებს, რომელიც 2020 წლის ოქტომბერშია ჩანიშნული. მაშინ, როცა ქვეყანა უკვე ისედაც საკმარისად პოლარიზებულია, რადიკალური მემარჯვენეების გამოჩენა დაპირისპირების რისკს ზრდის.

ქართული ანგარიშების გააქტიურება ტვიტერზე

StatCounter-ის მიხედვით, საქართველოში ტვიტერს მოსახლეობის 10% იყენებს. ფეისბუქის შემთხვევაში, ეს მაჩვენებელი 50%-ს სცდება. DFRLab-მა დეზინფორმაციის კამპანიის სხვადასხვა შემთხვევები, როცა სამიზნე ფეისბუქზე საქართველოს მოსახლეობა როგორც ქვეყნის შიგნით, ისე გარეთ იყო, უკვე მიმოიხილა.

იმის მიუხედავად, რომ ქართველები ტვიტერს ფეისბუქზე უფრო ხშირად იყენებენ, ამერიკელი პოლიტიკოსები და ევროპელი ოფიციალური პირები საქართველოში განვითარებულ ბოლოდროინდელ პოლიტიკურ მოვლენებს სწორედ ტვიტერის პლატფორმით ეხმიანებიან და შეშფოთებას გამოთქვამენ. მათ გააკრიტიკეს საქართველოს მთავრობა დაპირებული დემოკრატიული რეფორმების შეუსრულებლობაში, აქედან მიმართავენ ისინი პოლიტიკურ ოპონენტებს, მედიასა და საერთაშორისო თანამეგობრობებს. ტვიტერზე გაჟღერდა საერთაშორისო საზოგადოების კრიტიკა მშვიდობიანი მომიტინგეების წინააღმდეგ ძალადობაზე, პლატფორმაზე განიხილავდნენ Facebook-ის გადაწყვეტილებას ქართულ ოცნებასთან დაკავშირებული ყალბი ანგარიშების წაშლაზე.

21 იანვარს, აშშ-ს კონგრესმენმა და საქართველოს მეგობართა ჯგუფის თანათავმჯდომარე ადამ კინზინგერმა ტვიტერზე შეშფოთება გამოთქვა საქართველოს მთავრობის "პოლიტიკურ მიზნებსა" და "ეკონომიკური განვითარების ტენდენციის დაცემის" შესახებ. მან აღნიშნა, რომ კონგრესის დეპუტატთა ორმხრივმა ჯგუფმა საქართველოს პრემიერმინისტრს, გიორგი გახარიას წერილი გაუგზავნა.

ადამ კინზინგერი ტვიტერზე შეშფოთებას გამოთქვამს საქართველოში დემოკრატიული ღირებულებების დაუცველობის გამო.

ფოტო: @RepKinzinger/archive

ტვიტის გამოქვეყნებიდან მალევე, ანგარიშებმა, რომლებსაც ქართული სახელები ჰქონდა, კონგრესმენი საქართველოს შიდა საქმეებში ჩარევასა და საქართველოს ოპოზიციურ პარტიებთან კავშირში დაადანაშაულა.

ქართული სახელების მქონე ანგარიშები კონგრესმენ კინზინგერს საქართველოს შიდა საქმეებში ჩარევასა და საქართველოს ოპოზიციურ პარტიებთან კავშირში ადანაშაულებენ.

ფოტო: Twitter

ერთ-ერთი ანგარიში, რომელიც ამ შინაარსის ტვიტებს ავრცელებდა, წარმოდგენილი იყო, როგორც ბაქარი (ბექა) ვარდოსანიძე, რომელიც MDF-ის მიხედვით ასევე არის ანტილიბერალური დაჯგუფების, ქართული მარშის წევრი და დემოკრატიის კვლევის ინსტიტუტის მიხედვით, რადიკალური მემარჯვენე აქტივისტი. ის საკმაოდ აქტიურია ფეისბუქზე და ცნობილია თავისი ანტილიბერალური განცხადებებითა და სიძულვილის ენის გამოყენებით.

კინზინგერის ტვიტთან ინტერაქციის შემდეგ, ვარდოსანიძის ანგარიშზე დაიწერა, რომ ის პლატფორმაზე კიდევ უფრო აქტიური გახდება. მისი ანგარიში 2010 წელსაა შექმნილი, მაგრამ იგი 2020 წლის დასაწყისამდე მას აქტივობები არ ჰქონია. ვარდოსანიძის ფეისბუქის პირადი პროფილი ასევე დაკავშირებულია აღნიშნულ ტვიტერის ანგარიშთან.

ქართული რადიკალური მემარჯვენე აქტივისტი ბექა ვარდოსანიძე ტვიტერზე აანონსებს, რომ პლატფორმაზე უფრო აქტიური გახდება და თავის ფეისბუქ პროფილსაც ლინკავს.

ფოტო: @beqa23a

დანარჩენი ორი ანგარიში, რომლითაც კინზინგერი გააკრიტიკეს, ქალებად იდენტიფიცირდება და 8-ნიშნა რიცხვი მოჰყვება. ისინი 2020 წლის იანვარშია შექმნილი და ძალიან ცოტა გამომწერი ჰყავს.

ქართულსახელოვანი ანგარიშები, რომლითაც კინზინგერი გააკრიტიკეს, 2020 წლის იანვარშია შექმნილი და მათ სახელებს 8-ნიშნა რიცხვი მოჰყვება.

ფოტო: Twitter

ერთ-ერთმა ანგარიშმა, @Pikria99437631, შექმნიდან მხოლოდ სამჯერ დატვიტა, სამივე ტვიტი კინზინგერის კრიტიკას ეხმაურებოდა.

@Pikria99437631-ის ყველა ტვიტი კონგრესმენ კინზინგერს პასუხობს.

ფოტო: @Pikria99437631

ხოლო მეორე, @ninonin56919210, უმეტესად ანტიოპოზიციურ და პროსახელისუფლებო კონტენტს ავრცელებს.

@ninonin56919210 ტვიტერზე ანტიოპოზიციურ და პროსახელისუფლებო ნარატივს ავრცელებს.

ფოტო: @ninonin56919210

ასევე საინტერესოა ტვიტერზე 2020 წელს დარეგისტრირებული ანგარიში @IRAKLI22414771, რომელსაც ე.წ. ქავერ ფოტოზე მწვანე ასოებით ქართულად აწერია ანტილიბერალური დოქტრინა.

@IRAKLI22414771-ის ტვიტერის ე.წ. ქავერ ფოტოზე მწვანე ასოებით ქართულად აწერია ანტილიბერალური დოქტრინა.

ფოტო: @IRAKLI22414771

ანტილიბერალური დოქტრინა ტვიტერზე გადადის

@IRAKLI22414771-ის ტვიტები ორ სხვა ტვიტერის ანგარიშს აქტიურად გადააქვს თავის ტვიტერზე. ერთი ინგლისურენოვანია, ხოლო მეორე — ქართული. ორივეს სახელი ანტილიბერალური დოქტრინაა და ორივე მათგანი 2020 წლის იანვარშია შექმნილი.

ანტილიბერალური დოქტრინის ინგლისურენოვანი და ქართული ანგარიშები ტვიტერზე 2020 წლის იანვარშია შექმნილი.

ფოტო: Twitter

ტვიტერის ეს ანგარიშები, როგორც ჩანს, უკავშირდება ფეისბუქის იმავე სახელწოდების გვერდს, რომელიც, თავის მხრივ, უკავშირდებოდა @IRAKLI22414771-ს. ფეისბუქგვერდი ანტილიბერალური დოქტრინა ჩვეულებრივ ანტიდასავლური შინაარსის განცხადებებს ავრცელებს და არც ქართული ოპოზიციური პარტიების "გაშავებას" ერიდება. ისევე როგორც შინაარსს, რომელიც მიზნად ისახავს ოპოზიციურ პარტიებს საქართველოში. ფეისბუქგვერდის გარეკანი და @IRAKLI22414771-ის ტვიტერის ე.წ. ქავერ ფოტო ერთმანეთის ანალოგიურია, წარწერით ანტილიბერალური დოქტრინა და ფონზე ფოტოთი, რომელშიც მერკელი და პუტინი ერთმანეთს ხელებს ართმევენ.

ფეისბუქგვერდი ანტილიბერალური დოქტრინა.

ფოტო: ანტილიბერალური დოქტრინა

ფეისბუქგვერდმა ასევე გამოაქვეყნა ვიდეო, რომელშიც მოქალაქე ირაკლი ჯანყარაშვილი საკუთარ თავს გვერდის ავტორად ასახელებს.

ირაკლი ჯანყარაშვილი ფეისბუქგვერდზე გამოქვეყნებულ ვიდეოში საკუთარ თავს გვერდის ავტორად ასახელებს.

ფოტო: ანტილიბერალური დოქტრინა.

როგორც ტვიტერზე გამოქვეყნებული პროფილის ფოტოდან ირკვევა, იგივე ადამიანია @IRAKLI22414771-ც.

ტვიტერის პროფილი @IRAKLI22414771 და ანტილიბერალური დოქტრინას ფეისბუქზე გამოქვეყნებულ ვიდეოში მყოფი ადამიანი ერთი და იგივეა.

ფოტო: Twitter, Facebook

როგორც ჩანს, ფეისბუქის მომხმარებელი, რომელიც აქტიურად ავრცელებდა ანტიდასავლურ და ანტილიბერალურ ნარატივს, ტვიტერზე მინიმუმ სამი განსხვავებული ანგარიშით გადავიდა.

უმოქმედო ანგარიშები

როგორც ტვიტერის ანალიტიკის ხელსაწყო Tweetbeaver-მა აჩვენა, @IRAKLI22414771 დაახლოებით 70 საეჭვო ანგარიშის გამომწერია. ანგარიში ასევე მიჰყვება რამდენიმე პოლიტიკოსსა და ახალი ამბების გამოცემებს.

ამ ანგარიშების დიდი ნაწილი 2020 წლის იანვარსა და თებერვალშია შექმნილი. მათ იუზერნეიმებს რვანიშნა რიცხვები მოჰყვებათ, რაც ბოტებისთვის დამახასიათებელი ქცევაა. უფრო მეტიც, ტვიტერზე მათი აქტივობის მაჩვენებელი თითქმის ნულს უტოლდება, ასევე ნულთან მიახლოებულია მათი გამომწერების რაოდენობაც.

იმის გამო, რომ ამ ანგარიშებს უკიდურესად მინიმალური აქტივობები აქვთ, რთულია იმის განსჯა, თუ რა იყო მათი შექმნის მიზანი. თუმცა, შექმნის თარიღების ანალოგია, არააქტიურობა და ტვიტერის სახელების პატერნი ვარაუდის შესაძლებლობას გვაძლევს, რომ ისინი ბოტების ახალი ქსელის "წარმომადგენლები" არიან.

იმ ტვიტერის ანგარიშების მაგალითები, რომლებიც 2020 წლის იანვარში შეიქმნა, 8-რიცხვიანი სახელები აქვთ და არ აქტიურობენ.

ფოტო: Twitter

იმ ტვიტერის ანგარიშების აქტივობები და შექმნის თარიღები, რომლებსაც @IRAKLI22414771 მიჰყვება.

ფოტო: @EtoBuziashvili / DFRLab, Tweatbeaver

გავლენის სურვილის მქონე ანგარიშების მიმდევრებად ბოტების ყოლა ტვიტერზე ჩვეულებრივი ამბავია, რომლებიც შემდეგ თავადაც ხდებიან მათი გამომწერები. ქმედება ცნობილია, როგორც ე.წ. followback. თეორიულად, ეს შეიძლება ხსნიდეს, თუ რატომ არის @IRAKLI22414771 ამ საეჭვო და უმოქმედო ანგარიშების გამომწერი. ამ დროისთვის, აღნიშნული ანგარიშები @IRAKLI22414771-ის ტვიტერის ანგარიშს არ იწერენ, რაც კიდევ უფრო აჩენს კითხვას, თუ რატომაა თავად @IRAKLI22414771 მათი გამომწერი.

ატლანტიკური საბჭო მიუკერძოებელი ორგანიზაციაა, რომლის მისიაც "გლობალური მომავლის ჩამოყალიბებაა". ატლანტიკური საბჭო მსოფლიო მოვლენებში აშშ-ის ჩართულობის გაზრდითა და პარტნიორებთან მუშაობის გზით გლობალური გამოწვევებისთვის გამოსავალს ეძებს.

ატლანტიკური საბჭოს ციფრული კვლევის ლაბორატორია იდენტიფიცრებას უკეთებს და ააშკარავებს დეზინფორმაციას მსოფლიოს გარშემო, რითაც ღია კვლევის მნიშვნელობას უსვამს ხაზს.

სტატია მოამზადა DFRLab-მა აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის დამზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. თარგმანი ეკუთვნის On.ge-ს. სტატიის შინაარსზე პასუხისმგებლები არიან DFRLab და On.ge. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.

თუ გინდა, რომ ნამდვილი და ყალბი ამბები ერთმანეთისგან მარტივად განასხვავო და დეზინფორმაციისგან სხვებიც დაიცვა, შემოგვიერთდი ჯგუფში – ერთად ვებრძოლოთ დეზინფორმაციას.